ནང་མ་ཅི་བསམ་དོན་འགྲུབ།།
བུ་མོ་གཡུ་ཆུང་དྲུག་དཀར།།
ལས་འཕྲོ་པེ་ཙིའི་ཁ་ན།།
ཕར་གཡོ་ཚུར་གཡོ་རེད་འདུག།
ཨ་ཕོ་ཀུན་དགའ་དོན་འགྲུབ།།
བུ་མོ་གཡུ་ཆུང་དྲུག་དཀར།།
ཚོར་བའི་ལྦུ་ཆང་ཁ་ན།།
ལས་ཀྱི་སྒྱུ་མ་འཁོར་འདུག།
བུ་ཆུང་བསམ་པའི་དོན་འགྲུབ།།
བུ་མོ་གཡུ་ཆུང་དྲུག་དཀར།།
གནམ་སའི་ཡོ་ལང་ཁྲོད་ན།།
མིག་གི་གཡོ་རྔམ་ཟུག་འདུག།
དོན་གྱི་དམིགས་ས་གང་ནས།།
རེ་བའི་འདུན་མ་བོར་ནས།།
ཞེ་འདོད་གཏིང་ནས་ལོག་ན།།
ང་ལ་བློ་འགྱོད་མ་སྟོན།།
མོ་ལ་ཆ་ནི་མི་འདུག།
ཁྱོད་ལ་མདོ་ནི་མི་འདུག།
ཁྱེད་གཉིས་ཆ་མེད་མདོ་མེད།།
འབྲས་བུ་སྨིན་ས་མ་རེད།།
ལས་འཕྲོའི་མདུད་པ་འགྲིག་བསམ།།
ཚིག་གི་སྙིང་པོ་ཟིན་བསམ།།
མདོར་ན་གཏམ་གྱི་མཇུག་མ།།
ཁམས་ཀྱི་ནང་མའི་བཅུད་རེད།།
༼ སྒོ་སྤྲེལ་ངེས་དོན། ༽