ཕ་ཡུལ་འཁྱག་པོ་ཞིག་གི་གྲིབ་གཟུགས།
དགུན་གཞུང་ཧྲིལ་བོ་འདིའི་གྲང་ངར་དང་ལྷན་དུ།
བཞུར་མི་ཚར་བའི་རྨི་ལམ་གྱི་གཙང་པོར་འདུས།
ས་མཐར་འཁྱམས་པའི་འབུ་ནག་གི་ཚོགས་ཀྱང་།
གོག་འདུར་བྱས་ནས་ཕ་ཁྱིམ་གྱི་གོ་ཁར་འཚངས།
གོ་ཁ་ཅི་འདྲའི་དྲོ་བ་ལ།
མུན་ནག་གི་ཀློང་དུ་འུག་པ་མང་པོ་འཛོམས།
ངལ་དུབ་དང་སྡུག་ཡུས་ཁུར་ནས་འཛོམས།
ངས་འུག་པར་མིག་ཆུ་ཡོད་མེད་མ་མཐོང་།
དྲན་གདུང་གིས་མནར་བའི་མི་རྣམས་ཀྱང་།
འུག་པ་ཇི་བཞིན། ས་རུབ་པ་དང་།
ཕ་མའི་དྲོ་སྐྱིད་ཀྱི་གོ་ཁར་འཚངས།
གོ་ཁ་ཅི་འདྲའི་དྲོ་བ་ལ།
༼ ཉག་ཕྲན། ༽