རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་རིམས་ནད་སྔོན་འགོག་དང་ཚོད་འཛིན་བྱེད་
པའི་འཆར་གཞིའི་ནང་དོན་གང་འདྲ་རེད།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རིམས་ནད་འགོག་བཅོས་བཅའ་ཁྲིམས》ཀྱི་དོན་ཚན་ཉི་ཤུ་པའི་ནང་དུ་འདི་ལྟར་གཏན་འབེབས་བྱས་པ་སྟེ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་རིམས་ནད་སྔོན་འགོག་དང་ཚོད་འཛིན་བྱེད་པའི་འཆར་གཞི་གཏན་ལ་ཕབ་ནས་མི་དམངས་སྲིད་གཞུང་ལ་ཐོ་འགོད་སྙན་སེང་ཞུ་རྒྱུ།
རིམས་ནད་སྔོན་འགོག་དང་ཚོད་འཛིན་བྱེད་པའི་འཆར་གཞིར་གཤམ་གྱི་ནང་དོན་གཙོ་བོ་རྣམས་ཚུད་ཡོད་དེ།
(གཅིག) རིམས་ནད་སྔོན་འགོག་ ཚོད་འཛིན་བཀོད་འདོམས་པུའུ་གྲུབ་སྟངས་དང་དེ་འབྲེལ་སྡེ་ཁག་གི་འགན་ནུས་དང་།
(གཉིས།) རིམས་ནད་ལྟ་ཞིབ་ཚད་ལེན་དང་ཆ་འཕྲིན་བསྡུ་ལེན། དབྱེ་ཞིབ། སྙན་ཞུ། བརྡ་ཁྱབ་གཏོང་བ་བཅས་ཀྱི་ལམ་ལུགས།
(གསུམ།)རིམས་ནད་བྱུང་སྐབས་ནད་རིགས་སྔོན་འགོག་ཚོད་འཛིན་སྒྲིག་གཞི་དང་སྨན་བཅོས་སྒྲིག་གཞིའི་ལས་འགན་དང་འགན་འཁྲི།
(བཞི།) རིམས་ནད་གློ་བུར་བྱུང་བ་དང་མཆེད་ཚུལ་རིམ་པ་དབྱེ་རྒྱུ་དང་དེ་དང་མཐུན་པའི་མཁོ་བསྟུན་ལས་དོན་སྒྲུབ་སྟངས།
(ལྔ།) རིམས་ནད་སྔོན་འགོག་དང་། རིམས་ནད་ཡོད་ས་དང་འབྱུང་ཁུལ་ཚོད་འཛིན་བྱེད་པ། མཁོ་བསྟུན་སྒྲིག་བཀོད་དང་། སྒྲིག་ཆས། སྨན་བཅོས་བྱེད་པའི་སྨན་རྫས་དང་སྨན་བཅོས་ཡོ་བྱད། དེ་མིན་དངོས་ཟོག་དང་ལག་རྩལ་གསོག་འཇོག་དང་བསྡུ་སྤྱོད་བྱ་རྒྱུ་བཅས་ཡིན།
ས་གནས་མི་དམངས་སྲིད་གཞུང་དང་ནད་རིགས་སྔོན་འགོག་ཚོད་འཛིན་སྒྲིག་གཞིར་རྒྱལ་སྲིད་སྤྱི་ཁྱབ་ཁང་གི་འཕྲོད་བསྟེན་སྲིད་འཛིན་སྡེ་ཁག་གམ་ཡང་ན་ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཀྱི་མི་དམངས་སྲིད་གཞུང་གིས་བཏང་བའི་རིམས་ནད་སྔོན་བརྡ་འབྱོར་རྗེས་རིམས་ནད་སྔོན་འགོག་དང་ཚོད་འཛིན་བྱེད་པའི་ཚད་གཞི་ལྟར་སྔོན་འགོག་དང་ཚོད་འཛིན་བྱེད་ཐབས་སྤྱོད་དགོས།།