ནམ་མཁའ་འདི་བྱ་རྒོད་ཁོ་ནར་དབང་བ་མིན།
སྤྲིན་པ་དཀར་ནག་གཉིས་ཀྱང་ང་ཚོའི་མགོ་
ཐོག་རྐྱང་རྐྱང་འཁྲིགས་པ་མིན།
ཟླ་བའི་མཐའ་འཁོར་གྱི་སྐར་མ་དག་ལ་
འོད་མདངས་མེད་པ་མིན།
ཉི་མའི་འགྲམ་ནས་ཟླ་བའི་འོད་མདངས་ཀྱང་
མཐོང་དཀའ་མོ་འདུག
ས་ཆེན་པོའི་མདོག་ཤོར་དུས་ཁ་བའི་མེ་ཏོག་
འབབ་པ་བལྟས་པ་ཡིན་སྲིད་ཀྱང་།
གནམ་སྔོན་མོའི་མིག་ཆུ་མོད་དུས་ས་གཞི་ནས་
མེ་ཏོག་སྣ་ཚོགས་གྱེན་དུ་བསྒྲེངས་འོང་བ་ནི།
མཚོན་དོན་མེད་པ་ཞིག་གཏན་ནས་ཡིན་མི་
སྲིད་ཨང་།
ངེད་ཅག་ལ་མི་ཚོགས་ཀྱི་རྣ་དབང་འཕྲོག་བྱེད་
ཀྱི་དབྱངས་རྟ་ཞིག་མེད་ཀྱང་།
ང་ཚོའི་རྒྱུད་སྐུད་ཀྱི་སྒྲ་གདངས་འདི་ནི་རང་ཉིད་
ཀྱི་ཚེ་རབས་ཤིག་གི་ནོམ་པ་ཡིན།
༼ འོད་ཟེར་དགུ་བ། ༽