ཁ་རྒྱན་ཚིག་གསུམ་མིན་པར།།
གོམ་གསུམ་ལག་ལེན་གྱིས་ཤིག།
སྒྱིད་ལུད་སྔུར་འཐེན་མིན་པར།།
དཀའ་སྡུག་ལུས་ཀྱིས་མྱོངས་ཤིག།
མདོ་མེད་སྤྱོད་པ་མིན་པར།།
དོན་ལྡན་ལས་ལ་བརྩོན་ཞིག།
ཕྱི་ཚུལ་སྦྱོང་བརྩོན་མིན་པར།།
ནང་དུ་ཉམས་ལེན་གྱིས་ཤིག།
གྱང་ཁའི་རྩྭ་ལྡོམ་མིན་པར།།
རང་གཤིས་མདའ་བཞིན་འཁྱོངས་ཤིག།
དྲན་པ་སེམས་སུ་མིན་པར།།
སྙིང་གཏམ་ཚིག་གསུམ་ཤོད་ཅིག།
རྩམ་པ་མཚོན་བྱེད་མིན་པར།།
ནམ་རྒྱུན་ལོངས་སྤྱོད་བྱོས་ཤིག།
གཙུག་གཡུ་རྒྱན་ཙམ་མིན་པར།།
འགྱུར་མེད་དམ་ཚིག་སོམས་ཤིག།
དབྱངས་གསལ་ཤུལ་རིས་མིན་པར།།
དོན་དང་ལྡན་པར་གྱིས་ཤིག།
གངས་རི་གངས་ཙམ་མིན་པར།།
མེས་པོའི་རྣམ་དག་སྒོམས་ཤིག།
༼ པདྨ་ལྷ་མཛེས། ༽