ཉིན་འདི་གར།
མིག་གི་ནམ་མཁའ་ནས་ཆར་འབྲུ་འཐོར་སོང་ངམ།
སྐྱོ་གདུང་གི་སྣང་ཁམས་སྨུག་སྤྲིན་ཐིབ་བམ།
སེམས་ཀྱི་ཐང་ཆེན་དུ་ལྗང་ལོ་ཐར་ཐོར་བཞད་དམ།
ཉིན་འདི་གར།
བསིལ་རླུང་གིས་དྲན་པ་སྒུལ་ཐེངས་ག་ཚོད་ཡིན།
ཉི་འོད་ཀྱི་འཇམ་ཤ་ཀློག་པ་ཅི་འདྲ་འདུག
ནམ་ཟླ་ཡི་ཚོར་བའི་འཆར་རྟོག་ག་ཙམ་རེད།
ཉིན་འདི་གར།
ཙག་རླུང་གིས་ཤ་རུས་ཨེ་གྲང་།
གྲིབ་མ་ཡིས་སྐྱོ་ངལ་ཨེ་དུབ།
རྨི་ལམ་ལ་ཙད་པ་ཨེ་བྱུང་།
ཉིན་འདི་གར།
བློ་མིག་གི་ལྗོན་པ་ག་ཙམ་སྐྱེས་འདུག
དགོན་པའི་དྲིལ་གཡེལ་གྱི་སྙན་པ་ཚོར་རམ།
དཔྱིད་ཉིན་རིང་མོ་འདི་ལོ་ཟླ་ཨེ་ཚེས།
༼ གུ་དཔལ་ཤིས། ༽