ཁ་འབྲས་ཡག་ཡག།
བྱུར་དམར་འདྲ་འདྲ།
སྡེ་བའི་རྒྱན་ཡིན།
བྱུ་རུའི་ཕྲ་ཡིན།
མིག་གི་ལྟ་ཕྱོགས་བསྒྱུར་བའི་
ཁ་ལོ་ཁྱོད་ཡིན།
ཡིད་ཀྱི་དྲན་པ་ཁྱེར་བའི་རྐུན་པོ་ཁྱོད་ཡིན།
ལང་ཚོ་མཛེས་མཛེས།
རྨ་བྱ་འདྲ་འདྲ།
བྲོ་རའི་རྒྱན་ཡིན།
རྨ་བྱའི་མདོངས་ཡིན།
གསོན་ན་རྒྱ་སེའི་མེ་ཏོག་ཕུལ་ས་ཁྱོད་ཡིན།
ཤི་ན་ཞེན་ཆགས་རྣམ་ཤེས་
འཁོར་ས་ཁྱོད་ཡིན།
སྐད་ངག་སྙན་སྙན།
ཁུ་བྱུག་འདྲ་འདྲ།
ཁྲོམ་པའི་རྒྱན་ཡིན།
ཁུ་ལོའི་གདངས་ཡིན།
ཡིད་ལ་དྲོད་པའི་མེ་
དཔུང་ཁྱོད་ཡིན།
བརྗེད་མེད་སེམས་ལ་བྲིས་པའི་
ཡིག་ཆུང་ཁྱོད་ཡིན།
༼ ལུག་རྒྱལ་སྲས། ༽