དབྱར་ཟླ་ཚེས་དུས།
ནང་སེམས་ཀྱི་མེ་ལོང་ལ།
བྱི་དོར་ཐེངས་གཅིག་བྱས་པ་དང་མཚུངས།
ཁ་དོག་མི་གཅིག་པའི་མེ་ཏོག་དེ་དག།
སྐད་ཅིག་གིས་སྐྱེ་ཞིང་།
སྐད་ཅིག་གིས་འཆི་ཚུལ་འདི་ནི།
ཉི་ཚེ་བའི་མི་རྟག་པ་དྲན་སྟངས་ཤིག་རེད།
དབྱར་ཟླ་ནི།
ཕྱི་རོལ་གྱི་ཆར་ཐིགས་རེ་གཉིས་དང་།
མེ་ཏོག་ཁ་ཤས་ཀྱིས་འགྲེལ་བཤད་མི་ནུས།
འབུ་བོང་བས་གླུ་དབྱངས་ལེན་པ་དང་།
ཤིང་ཤུག་པས་མགོ་ལྕོགས་ལྡེམ་ཙམ་གྱིས་མཚོན་མི་ནུས།
འགྲོ་བ་མིའི་ནང་སེམས་ཀྱི་ཁ་དོག་ཡན་ཆོད།
དབྱར་ཟླ་ར་བའི་ཉིན་ཞག་དང་འབྲེལ་བ་ཡོད།
དབྱར་ཟླ་ར་བའི་མཛེས་སྡུག་ནི་སྐད་ཅིག་ཙམ་ཡིན་ནའང་།
དབྱར་ཟླ་དང་འབྲེལ་འདྲིས་ཀྱི་བརྩེ་བ་ནི།
གོམ་པ་གང་སྤོས་མཚམས་སུ་དྲན་ཡོང་བ་ཞིག་རེད།
དེ་ནི་རང་བྱུང་སྐྱེ་དངོས་ཀྱིས་འགྲོ་བ་མི་ལ་བསྟབས་པའི་
ཟོལ་མེད་ཀྱི་ལེགས་སྐྱེས་ཤིག་ཅི་ལ་མིན།