ཆོས་ཉིད་དབྱིངས་སུ་བཞུགས་པ།།
དབྱངས་ཅན་ཟླ་བའི་རང་གཟུགས།།
ཚངས་དབྱངས་ངག་གི་འོད་ཟེར།།
འཁོར་འདས་གཉིས་སུ་འཕྲོས་པ།།
མཐའ་མེད་དབྱིངས་སུ་འཐིམ་པ།།
ཚངས་པའི་ངག་གི་དབྱངས་རེད།།
ཞེན་ཆགས་རྨི་ལམ་བརྩེགས་ས།།
ཞི་བའི་གཟུགས་མཛེས་གཡང་ཊི།།
དྲན་པ་མགུར་མའི་དབྱངས་ལ།།
གཟུགས་ཀྱི་ཟླ་བ་བཏགས་ནས།།
མཐའ་མེད་གཟུགས་ཀྱི་ནམ་མཁའ།།
དབྱངས་ཅན་ལྷ་མོར་སྒོམ་ཡོད།།
སྤྲིན་དཀར་ཡོམ་ཡོམ་འགུལ་ན།།
དབྱིངས་ཀྱི་སྨིན་དྲུག་མ་འགུལ།།
མཐའ་མེད་མགུར་མའི་བརྩེ་བ།།
སེམས་སུ་སྒོམ་པའི་རྟགས་ཡིན།།
ཞི་བའི་དབྱངས་ཀྱི་མགུར་མ།།
རྟོག་པའི་ཚོགས་ཀྱིས་བཞེངས་པ།།
ཚིག་གི་དཔྱིད་དཔལ་མཛེས་ས།།
ཚོར་བའི་ཐང་ཆེན་ཡིན་སྲིད།།
དབྱངས་ལ་ངག་གིས་བརྒྱན་པ།།
ཚངས་དབྱངས་ལྷ་མོ་ཡིན་སྲིད།།
གཟུགས་མཛེས་ཡིད་འོང་སྲིད་པ།།
གཞི་འཛིན་བདག་མོ་ཡིན་སྲིད།།
སེམས་ཉིད་ཉི་ཟླ་འཁྲེང་བཞིན།།
ཞེན་ཆགས་འབུམ་ཁྲག་བརྒལ་བ།།
མཐའ་མེད་མགུར་ལ་བཏགས་ནས།།
སེམས་ཀྱི་གཏད་སོ་མ་རྙེད།།
སྙན་ངག་དབྱངས་ཀྱི་རྟོགས་ཚོགས།།
འཁོར་འདས་གཉིས་སུ་བཏགས་པ།།
ཚོར་བའི་ཤུགས་རླུང་དྲག་པོས།།
མཐའ་མེད་རྒྱ་མཚོ་བརྒལ་སྲིད།།