རླུང་སིལ་བུ་མར་ཀའི་གྲོང་ལ་གཡུག །
ད་གཡུག་གིན་གཡུག་གིན་སྣང་བ་སུན། །
གཅིག་བྱས་ན་སུན་དགོས་མི་འདུག་སྟེ། །
དེ་ཆགས་སྡང་ཟེར་བའི་དཔུང་དེ་རེད། །
ཆུ་གཙང་པོའི་རླབས་གཉེར་མ་འདུས་གོང་། །
ཤིང་ལྕང་མའི་འདབ་ལག་མ་རྒྱས་གོང་། །
ང་དེ་དུས་བྱིས་པ་སྣབས་ལུགས་རེད། །
དེ་ཡིན་ཡང་ནང་སེམས་སྤྲོ་བས་ཁེངས། །
དུས་དེང་སང་ན་ཚོད་རྫོགས་པའི་རྗེས། །
ལོ་འགྲོ་བཞིན་འགྲོ་བཞིན་ནང་སེམས་ནི། །
བྲག་གཟར་པོའི་ངོགས་ཀྱི་ཆུ་ཕྲན་བཞིན། །
ད་ལྷོད་པོར་བྱེད་ཐབས་མི་འདུག་གོ། །
དེ་ཡིན་ཡང་སེམས་ཉིད་བརྟུལ་ཐབས་ཅི། །
གཞུང་བཀའ་པོད་འཕྲུལ་གྱི་མེ་ལོང་ལ། །
ལུས་ཚོར་བའི་དབང་པོ་མ་མོག་པར། །
ཡང་ལྟ་བཞིན་ལྟ་བཞིན་ཇེ་ཟབ་སོང་། །
ཤེས་ཟེར་བ་འཇའ་འོད་ལག་ཟིན་རེད། །
དེ་ཡིན་ཡང་བག་ཆགས་མེ་ཏོག་ཉིད། །
དུས་ཚེ་རབས་འདི་ལ་བཞག་གྱུར་ན། །
ལས་རྒྱུ་འབྲས་བདེན་པའི་ཆོས་ཉིད་ལ། །
ཡིད་རབ་ཏུ་ཆེས་པས་ལམ་འདི་འཚོལ། །
དེ་འཚོ་བའི་དབྱིངས་ཀྱི་འགྱུར་བ་རེད། །
དེ་རྣམ་རྟོག་འཁྲུག་པའི་གཞས་ཤིག་རེད། །
དེ་མི་ཚེའི་བསྡུས་མགུར་རགས་པ་རེད། །
དེ་སེམས་ཉིད་རྗེས་སུ་འབྲངས་པའི་གཏམ། །
༼ ལྡེའུ་ནག ༽