དཔྱིད་ཀྱི་འཇམ་རླུང་བུ་དལ་ཅག་ཅག་ངང་ས་གཞི་འཛིན་མར་ལྡང་། མཐོ་སྒང་གི་དཔྱིད་ཀྱི་དཔལ་ཡོན་དབྱར་མཚོ་ལྟར་རྒྱས་བཞིན་ཡོད། ས་གཞི་འཛིན་མའི་ཁྱོན་ལ་སྔར་དང་མི་མཚུངས་པའི་མཛེས་སྡུག་དང་བདེ་སྐྱིད་ཀྱི་ལྗང་མདོག་གིས་ཡོངས་སུ་ཕྱུག། ཉིན་ཤས་རིང་བཞག་བྲ་ལྷ་རྩེའི་འདབས་སུ་ཆགས་པའི་རྟའུ་རྫོང་ལ་ཁ་བ་ཐེངས་ཤིག་བབས་ནས་རི་ཀླུང་ལ་མཛེས་རྒྱན་སྤྲས་ཤིང་། སྐྱེ་དངོས་དང་སྲོག་ཆགས་འབུམ་ཕྲག་ལ་ཚེ་སྲོག་གསར་པ་སྔར་ན་མེད་པ་ཞིག་སྦྱིན་པ་དང་ཆབས་ཅིག་མི་རྣམས་ལ་རེ་བ་ཆེན་པོ་ཡང་བསྩལ་ལོ།།