ཞིན་ཧྭ་གསར་འགྱུར་ཁང་པེ་ཅིང་ནས་སྤྱི་ཟླ4པའི་ཚེས8ཉིན་གློག་འཕྲིན་འབྱོར་གསལ། ཚེས8ཉིན་གྱི་སྔ་དྲོར། པེ་ཅིང་དགུན་དུས་ཨོ་རྩལ་འགྲན་ཚོགས་དང་དབང་པོ་སྐྱོན་ཅན་གྱི་དགུན་དུས་ཨོ་རྩལ་འགྲན་ཚོགས་ཀྱི་ཕྱོགས་སྡོམ་གཟེངས་བསྟོད་ཚོགས་ཆེན་མི་དམངས་ཚོགས་ཁང་ཆེ་མོར་གཟབ་རྒྱས་ངང་འཚོགས་པ་རེད། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་ཚོགས་ཆེན་ལ་ཞུགས་པས་མ་ཚད་གསུང་བཤད་གལ་ཆེན་གནང་བ་རེད ཁོང་གིས་ནན་གསུང་གནང་དོན། རླབས་ཆེན་གྱི་བྱ་གཞག་གིས་རླབས་ཆེན་གྱི་སྙིང་སྟོབས་སྐྱེད་སྲིང་བྱེད་པ་དང་རླབས་ཆེན་གྱི་སྙིང་སྟོབས་ཀྱིས་རླབས་ཆེན་གྱི་བྱ་གཞག་ལ་སྐུལ་འདེད་གཏོང་གི་ཡོད། པེ་ཅིང་ཨོ་རྩལ་འགྲན་ཚོགས་དང་དགུན་དུས་དབང་པོ་སྐྱོན་ཅན་གྱི་དགུན་དུས་ཨོ་རྩལ་འགྲན་ཚོགས་ནང་ཞུགས་མཁན་ཚང་མས་རླབས་ཆེན་དུས་རབས་ཀྱིས་སྤྲད་པའི་གོ་སྐབས་ལ་གཅེས་སྤྲས་བྱས་ཏེ། དགུན་དུས་ཨོ་རྩལ་འགྲན་ཚོགས་གཉེར་འཐུས་རེ་ཞུ་དང་གྲ་སྒྲིག་བྱེད་པ། གཉེར་བའི་བརྒྱུད་རིམ་ཁྲོད་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་སྙིང་སྟོབས་ཐུན་མོང་དུ་བཏོད་ཡོད། པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་སྙིང་སྟོབས་ནི་སྤྱི་ཡོངས་བློ་ལ་འཆང་བ་དང་། ཡིད་ཆེས་སྒོ་འབྱེད། དཀའ་བར་མི་འཛེམས་པར་མདུན་དུ་སྐྱོད་པ། ཁྱད་འཕགས་དོན་གཉེར། འབྱུང་འགྱུར་མཉམ་གཏོད་བཅས་རེད། ང་ཚོས་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་སྙིང་སྟོབས་དར་སྤེལ་ཤུགས་ཆེན་བཏང་སྟེ། ཡིད་ཆེས་དེ་བས་བརྟན་པོ་དང་བློ་སྟོབས་དེ་བས་ཆེན་པོས་ལོ་བརྒྱ་གཉིས་པའི་འབད་འཐབ་དམིགས་ཡུལ་མངོན་འགྱུར་བྱེད་པའི་ཕྱོགས་སུ་དཔའ་ངར་ཞུམ་མེད་ངང་མདུན་སྐྱོད་དང་ཀྲུང་ཧྭ་མི་རིགས་བསྐྱར་དར་རླབས་ཆེན་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པའི་ཕྱོགས་སུ་དཔའ་ངར་ཞུམ་མེད་ངང་མདུན་སྐྱོད་བྱ་དགོས། （པར་ངོས་གཉིས་པར་གཟིགས།）