སློབ་ར་གཡང་ཁྱིམ་གྲུ་བཞི།།
དགེ་རྒན་དྲིན་ཆེན་ཕ་མ།།
གཞན་ཕན་རིག་གནས་སྦྱིན་པ།།
དགེ་རྒན་བཟང་པོའི་རྒྱན་ཡིན།།
སློབ་ར་རིག་གནས་སྡེ་ཁག།
སློབ་གྲོགས་རིན་ཆེན་སྤུན་བཟང་།།
མི་འགྱུར་རིན་ཆེན་མཛའ་བརྩེ།།
སྤུན་ཟླ་བཟང་པོའི་རྒྱན་ཡིན།།
སློབ་ར་རིག་གནས་རྒྱ་མཚོ།།
སློབ་མ་གཤོག་དྲུག་ཕོ་ཉ།།
སློབ་མ་བརྩོན་སེམས་ལྡན་པ།།
སློབ་མ་བཟང་པོའི་རྒྱན་ཡིན།།
སློབ་དཔོན་བྱམས་ལྡན་རྒྱ་མཚོ།།
སློབ་མ་བརྩོན་འགྲུས་རབ་བརྟན།།
སློབ་རའི་ཚལ་དུ་འཛོམས་ན།།
སློབ་གསོའི་ལས་དོན་འགྲུབ་ཡོང་།།
༼ སློབ་མ། ཉི་མ་ཚེ་རིང་།༽