ལས་ཀྱི་དར་ལྕེ་རླུང་བུས་དགུང་དབྱིངས་སུ་སྒྲེང་དུས།།
སེམས་ཀྱི་མཆོད་ཁང་འཛུམ་པའི་གསོལ་
སྟོན་གྱིས་ཁེངས་བ།།
དཔྲལ་བའི་རི་མོ་ཆུ་མོའི་གཏིང་རིམ་དུ་རྒྱུ་དུས།།
དགོད་པའི་འཛུམ་མོ་རྒྱང་ནས་ཚུར་ཕྱོགས་སུ་ཀེར་བྱུང་།།
ལང་ཚོའི་མེ་ཏོག་གཞོན་པའི་ནམ་ཟླ་རུ་རྩེན་དུས།།
སྨན་ཆུང་སྒེག་ཉམས་ཁྲ་མོ་མིག་སྔུན་དུ་ལྡེམ་བྱུང་།།
ལོ་ཟླས་བཙན་གྱིས་སྟེར་བའི་རྒས་གཉེར་དེ་མཐོང་དུས།
ཕྱི་ལ་མིག་ཟུར་མེད་པའི་གྱེས་ཚིག་ཅིག་འཕངས་བྱུང་།།
སྤྲོ་དགའི་གླུ་གར་ཉི་མའི་དཀྱིལ་འཁོར་དུ་སྦྲུམ་དུས།།
སེམས་ཀྱི་གཡས་གཡོན་གཉེན་ཉེས་མདུད་པ་ཞིག་རྒྱག་བྱུང་།།
སྐྱོ་བའི་མཆི་མ་ས་ཆེན་པང་སྟེང་དུ་གཏོར་དུས།།
ཞལ་རས་སྤར་མོས་བཀལ་བའི་མི་ཚོགས་ལས་མི་འདུག།
སྐྱིད་སྡུག་སྤེལ་མ་རྒྱུས་པའི་ཚེ་རབས་ཀྱི་ཕྲེང་བར།།
དགའ་སྐྱོའི་སེམས་པ་བསྙལ་སའི་བརྟན་རླིང་གི་མི་བུ།།
བདེན་པའི་རོལ་མོ་དཀྲོལ་བའི་དྲང་སྲོང་གི་ཚོགས་ཀྱིས།།
མི་ཚེའི་ལ་མོའི་ཁ་ནས་མངོན་ཙམ་ཞིག་གནང་རོགས།།
༼ གཙོད། ༽