(པར་ངོས་དང་པོར་མཐུད།)

བབ་ཆགས་པའི་བརྩེ་སེམས་དེས་ང་ཚོར་ངེས་པར་དུ་ལས་དོན་སྒྲུབ་ཐུབ་པ་དང་བྱ་བ་ཡག་པོ་སྒྲུབ་པར་སྐུལ་མ་གཏོང་གི་ཡོད་ཅེས་གསུངས། ཁོང་གིས་ཚང་མས་སྤྲོ་སྣང་གི་བསམ་བློ་རྒྱུན་འཁྱོངས་ཏེ་ཏང་དང་སྲིད་གཞུང་གི་སྣེ་ཁྲིད་འོག་ཕན་ཚུན་རོགས་རེས་དང་དཀའ་གནད་མཉམ་སྒྲོལ་གྱིས་མཉམ་དུ་གནོད་ཆེན་དེ་ལས་རྣམ་པར་རྒྱལ་ནས་འཚོ་བ་སྔ་ཙམ་རྒྱུན་གཏན་དུ་ཡོང་ཐུབ་པའི་ཐུགས་རེ་གནང་། ཧྲེན་དབྱང་གིས་འབྲེལ་ཡོད་སྡེ་ཚན་ལ་འཚོ་བའི་དངོས་ཟོག་འགན་ལེན་སྔར་བས་ཡག་པོ་བྱས་ནས་གནས་སྐབས་སྡོད་པའི་མང་ཚོགས་ཀྱི་མ་མཐའི་འཚོ་བར་འགན་ལེན་ཡག་པོ་བྱ་དགོས་ཞེས་བླང་བྱ་བཏོན་པ་རེད།

གཞི་རིམ་གྱི་ཏང་མི་ལས་བྱེད་པ་དང་བཞུགས་མོལ་གནང་སྐབས་ཧྲེན་དབྱང་གིས་ནན་གསུང་གནང་དོན། ཡིད་ཆེས་དང་ཆོད་སེམས་བརྟན་དུ་གཏོང་བ་དང་། དཀའ་ངལ་ཁྱད་བསད། ཕྱར་བ་གྲུ་འདེགས། ཏན་ཏིག་ངང་གནས་སྐབས་སྡོད་ས་བཀོད་སྒྲིག་ལས་དོན་ཁག་དམ་འཛིན་ཡག་པོ་བྱ་དགོས། འཕྲལ་ཕུགས་ཟུང་དུ་འབྲེལ་བར་དོ་སྣང་བྱས་ནས་མང་ཚོགས་བཀོད་སྒྲིག་དང་། པང་ཁང་འཛུགས་སྐྲུན། སྡོད་ཁང་དང་ཨར་སྐྲུན་གྱི་ཉེན་མེད་གསལ་འབྱེད་བསྐྱར་བཤེར་ཡག་པོ་བཅས་བྱས་པའི་རྨང་གཞིའི་ཐོག་སྲིད་ཇུས་བཟོ་བ་དང་། ས་གཤིས་གནོད་འཚེ་བཅོས་སྐྱོང་། ལྗོངས་ཁུལ་སླར་གསོ། ཐོན་ལས་འཕེལ་རྒྱས། རྨང་གཞིའི་སྒྲིག་བཀོད་གྱི་རིམ་པ་སྤར་བ་སོགས་ཀྱི་ལས་དོན་ཅིག་ཅར་དུ་འཆར་འགོད་བྱས་ནས་གནོད་རྗེས་བསྐྱར་སྐྲུན་ལ་རྨང་གཞི་བརྟན་པོ་ཞིག་འདིང་དགོས། མཐིལ་ཚད་ཀྱི་བསམ་བློ་བརྟན་པོ་བཅངས་ནས་མི་སྣ་འདུས་སྡོད་ཁུལ་དང་། རི་ཉིལ་བ། གཞུང་ལམ་རྒྱུད་ངོགས་སོགས་གཙོ་གནད་ས་ཁོངས་ལ་དམ་པོར་དམིགས་ནས་མ་ཁེབས་ས་མེད་པར་མངོན་མེད་རྐྱེན་ངན་ཚགས་བཤེར་བྱས་ཏེ། ཉེན་གཡོལ་གནས་སྤོ་ཇུས་གཞི་བཟོས་ནས་ཞོར་ཐོན་གནོད་འཚེ་ཐོན་པ་ནན་འགོག་བྱ་དགོས། གཞི་རིམ་ཏང་རྩ་འཛུགས་ཀྱི་འཐབ་འཛིང་བཙན་རྫོང་དང་ཏང་མི་ལས་བྱེད་པའི་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱས་ནས་སེམས་ནུས་ཡོད་རྒུ་བཏོན་ཏེ་མང་ཚོགས་ཀྱི་ལས་དོན་ཡག་པོ་སྒྲུབ་པ་དང་། སྲིད་ཇུས་དྲིལ་བསྒྲགས་དང་འགྲེལ་བཤད་ལ་ཤུགས་རྒྱག་པ། མང་ཚོགས་ཀྱིས་ལུགས་མཐུན་སྔོན་དཔག་བྱེད་པར་ཁྲིད་སྟོན་གང་ལེགས། གནོད་ཐེབས་མང་ཚོགས་སྒྲིག་འཛུགས་བྱས་ཏེ་དཀའ་སྤྱད་འབད་འཐབ་དང་རང་སྟོབས་རང་སྤེལ་གྱིས་སེམས་ནུས་གཅིག་ཏུ་བསྒྲིལ་ནས་བདེ་སྐྱིད་དང་མཛེས་སྡུག་ལྡན་པའི་ཁྱིམ་གཞིས་གསར་པ་བསྐྱར་སྐྲུན་བྱ་དགོས།

ཁུལ་ཨུའི་ཧྲུའུ་ཅི་གཞོན་པ་ཧྲི་ཀང་དང་། ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན། ལྕགས་ཟམ་རྫོང་དང་དུང་དཀར་ལུང་པ་ལྗོངས་ཁུལ་དོ་དམ་ཅུས་ཀྱི་འགན་འཁུར་བློ་མཐུན་གཙོ་བོ་བཅས་རྟོག་ཞིབ་ནང་ཞུགས་ཡོད་པ་རེད།།

（ སྐལ་ཐུབ་ཀྱིས་བསྒྱུར།）