རྟེན་འབྲེན་ལྷ་དར་དཀར་པོ།།
མཆོད་པའི་སྐྱེས་སུ་ཕུལ་ཡོད།།
དགོས་འདོད་གཡང་གི་ལྷ་སྐལ།།
ལོ་ཟླའི་མདངས་སུ་འཆར་ཡོང་།།
མཆོད་ཁ་ལན་གསུམ་བཏང་ཡོད།།
ཇ་ཆང་མཚར་གླུ་བླངས་ཡོད།།
ཟས་བཅུད་ཕུད་འཛོམས་ཕུལ་ནས།།
སྟོང་ལོ་གསར་པ་བསུས་ཡོད།།
སྙན་སྙན་ངག་གི་གདངས་ལ།།
ཡིད་འཕྲོག་མེ་ཏོག་བཞད་ཡོད།།
ཚིག་གི་གདངས་འཇོག་རེ་རེར།།
གཏན་བདེའི་ས་ལམ་གྲོལ་ཡོད།།
དགའ་སྤྲོའི་དུས་སྟོན་ཤར་བྱུང་།།
ཡིད་དགའ་སྤྲོ་སྐྱིད་སྤང་ཐང་།།
བརྩེ་བའི་ཞབས་བྲོ་རྒྱག་ས།།
མཛེས་སྤྲོའི་སྟངས་སྟབས་ངོམ་ས།།
དུས་སྟོན་ཉི་ཟླ་ཚེས་བྱུང་།།
འོད་ཀྱིས་ས་ཆེན་ཁྱབ་ནས།།
དད་དང་དག་པའི་འདུན་མ།།
དགེ་འབྲས་ལས་དང་འཕྲད་བྱུང་།།
ལོ་གསར་ཟླ་གསར་ཚེས་བྱུང་།།
བཀྲ་ཤིས་རྟེན་འབྲེལ་འདི་ལ།།
ཕུན་ཚོགས་ཚེས་ཀྱི་དཔལ་ཡོན།།
བཀྲ་ཤིས་དུས་ལོར་འདྲེས་སོང་།།
༼ ལྡོང་འཇིགས་སྲས། ༽