ཕྱི་གསལ་ནང་གསལ་གྱི་མི་ཞིག་བྱ་འདོད་ན།
རང་ལུས་ཟ་འོག་གིས་སྒྲིབ་གཡོག་མ་གནང་རོགས།
གོས་ཆེན་འབྲུག་རིས་མའི་གྱོན་པ་ངོ་ཚ་
འགེབས་བྱེད་མིན།
རི་དྭགས་དང་གཡུང་དྭགས་སོགས་ཀྱི་
པགས་པ་ཁྲེལ་གཞུང་སྲུང་བྱེད་མིན།
རང་གཞན་ཐམས་ཅད་གཅེར་བུར་དམར་
ཧྲེང་ཧྲེང་བུད་དེ།
ཁ་ཚུར་འཁོར་ནས་རང་ཉིད་ལ་བལྟ་ཡག་གྱིས་དང་།
ང་ཚོ་ནི་གདོད་མ་ནས་གཅེར་བུར་བུད་པའི་
རིགས་རྒྱུད་ཡིན།
ང་ཚོ་ནི་ཁྲེལ་དང་ངོ་ཚ་ཤེས་པའི་སྦྲ་ནག་ནང་གི་
གཅེར་བུར་བུད་པའི་རྗེས་རབས་པ་ཡིན།
ང་ཚོ་འཇིག་རྟེན་འདིར་ཐོག་མར་ཡོང་དུས་ནས།
གཅེར་བུར་བུད་ནས་འོངས་བ་ཡིན་ལ།
མཐའ་མར་ཆས་དུས་ཀྱང་གཅེར་བུར་བུད་ནས་ཆས་འགྲོ།
ཆེ་ཆེ་གྲགས་གྲགས་ཀྱི་ན་བཟའ་དེ་ཚོ་བསླུ་ཁྲིད་
ཀྱི་གཡོ་ཐབས་ཤིག་གོ།
ཁྲ་ཁྲ་རིག་རིག་གི་གྱོན་པ་འདི་དག་རྫུ་བག་གི་
འཇའ་རིས་ཉིད་དོ།།
༼ ཁྱེའུ་ལྷ་སྲས། ༽