སྲིད་གསུམ་གཡོ་བའི་འདམ་རྫབ་ལས།།
སྐུ་ནི་གཟི་དཔལ་པད་མའི་མདངས།།
འཛུམ་པའི་བྱིན་རླབས་འཕྲོས་པ་ཡིས།།
འཇིག་རྟེན་མ་ལུས་ཞི་བསིལ་མཛད།།
བཅོམ་ལྡན་ལྷ་ཡི་མེ་ཏོག་བསྔགས།།
ཚོགས་གཉིས་བསྲུབས་པའི་རྒྱ་མཚོའི་སྟེང་།།
བྱང་ཆུབ་སེམས་ཀྱི་གོ་ཆ་མནབས།།
དགྲ་རྣམས་མ་ལུས་གཡུལ་ལས་རྒྱལ།།
སྐུ་ནི་གཡོ་མེད་བརྟན་པོར་བཞུགས།།
རྟག་ཏུ་འབད་མེད་ལྷུན་གྲུབ་ཀྱིས།།
འགྲོ་བའི་ཞིང་ལ་ལམ་སྟོན་མཛད།།
མཆོག་གསུམ་སྤྲུལ་པའི་སྐུ་ལ་འདུད།།
མཉམ་མེད་སེམས་ཀྱི་ནོར་བུའི་ཏོག།
འགྲན་མེད་ཟླ་བའི་གཟི་བྱིན་འཕྲོ།།
ས་གཞི་ཆེན་པོའི་འགྲོ་བ་རྣམས།།
ཕན་བདེའི་འོད་སྣང་རྟག་ཏུ་འབར།།
འདྲེན་མཆོག་ཤཱཀྱ་གཙུག་ན་མཆོད།།
སྟོན་མཆོག་ཐུབ་པའི་དབང་པོ་ཡིས།།
བདེན་གཉིས་མཚོན་ཆ་བཟུང་བ་ནས།།
ཤེས་བྱའི་ཆོས་རྣམས་ཚུལ་བཞིན་རྟོགས།།
སྣང་སྟོང་སྒྱུ་མའི་གཟི་བྱིན་ངང་།།
འཛུམ་པའི་འོད་སྣང་མཛད་ལ་བསྟོད།།
མཚོན་བྱེད་མེད་པའི་སྟོན་པ་ལ།།
ངུར་སྨྲིག་རྟགས་ཙམ་འཆང་བ་ཡིས།།
དགེ་སྡིག་བླང་དོར་བྱེད་པ་དང་།།
ཕྱོགས་བཅུའི་མཆོད་པ་གང་འགྲོ་བ།།
མཆོད་ཡོན་ཇི་སྙེད་རྟག་ཏུ་མཆོད།།
བདག་ནི་སྐྱེ་བའི་ཚེ་རབས་ཀུན།།
སྟོན་པའི་མཚན་ཙམ་ཐོས་ན་ཡང་།།
དགའ་དད་སྤྲོ་བའི་བདེ་སྐྱིད་ཀྱིས།།
རྟག་ཏུ་སེམས་ཅན་ཐམས་ཅད་ལ།།
འཛུམ་པའི་མེ་ཏོག་འཐོར་བར་ཤོག།
༼ རེ་སྨྱུག ༽