འཆི་བ་ནི་ཚེ་སྲོག་གི་རྨི་ལམ་ཐེངས་གཅིག
དེ་ནི་རྟག་བརྟན་མེད་པའི་འཇའ་ཚོན་ཇི་བཞིན།
འཇིག་རྟེན་ལས་འདས་པའི་འཇིག་རྟེན་
གཞན་ཞིག་གོ།
ཁྱེད་ཀྱི་རྣམ་ཤེས་ཀྱི་འོད་ཟེེར་རེ་ཞིག་འགག་
པར་གྱུར་པས།
སྐྱོ་དྲགས་པའི་གཉུག་སེམས་ཀྱིས་ཡིག་དྲུག་གི་མ་ཎི་
ལྷུག་པར་བརྗོད།
སྡུག་བསྔལ་གྱི་སྨུག་སྤྲིན་འཐིབ་པའི་གངས་
དཀར་གྱི་གཟི་འོད་མ་མཐོང་།
ཁྱེད་ཀྱི་རྣམ་ཤེས་ཀྱི་ཞེན་ཆགས་དབྱིངས་
སུ་དག་ནས།
བདེ་ལྡན་གྱི་ཞིང་ས་ཞིག་སྙེག་པར་ཐུབ་
པའི་ས་ལམ་ཞིག།
གངས་ཅན་ཆོལ་གསུམ་གྱི་ནན་གྱིས་བསྒྲུག་པར་འཐད་
ཅིང་རིགས་སོ།།
གཏན་དུ་རྒས་པ་མེད་པའི་ཁྱེད་ཀྱི་སྙན་ངག་དེ་དག
ཤུལ་དུ་ལུས་པའི་ཁྱེད་ཀྱི་ཤེས་རབ་ཀྱི་གཤོག་
ཟུང་ཡ་གཅིག།
དེ་ནི་གངས་ཅན་པའི་གཅེས་པར་འོས་པའི་སྙན་ངག་
གི་བསྟན་པ་ཡིན།
༼ དབུ་འཇིགས་མེད། ༽