ཆེས་མཛེས་པའི་མེ་ཏོག་ཅིག་ས་རུ་ཟེགས་རུང་མི་ཕངས་ཏེ།
ཤེས་རབ་ཀྱིས་སྐད་ཡིག་འདེགས་པའི་སྐར་ཆེན་ཞིག།
གློ་བུར་དུ་ས་ལ་ལྷུང་ན་ང་ཡི་ཡིད་ལའང་གྲི་ཡིས་
གཙགས་པ་འདྲ་བྱུང་།
པདྨ་ཚེ་བརྟན་ནི།
རང་གི་རྣམ་དཔྱོད་ཀྱིས་ནར་སོན་པའི་གྱད་
མི་ཞིག་ཡིན་ལ།
བསམ་གཞིག་གི་ཚལ་ལ་སྒྱུ་རྩལ་གྱི་ལོ་ཏོག་འདེབས་
མཁན་ཞིག་ཀྱང་ཡིན།
ཁོའི་ཤེས་རབ་ནི།
སྒྱུ་རྩལ་གྱི་གླེགས་བམ་དུ་མའི་ཁྲོད་ན་ད་དུང་
གཟིམ་མི་འདུག་ཅིང་།
“ཐར་ལོ”འང་ད་དུང་རལ་གྱིན་མི་འདུག་ལ།
འཆི་བ་ནི་ངེས་མེད་ཡིན་ལ།
ན་ཟུག་ཀྱང་ངེས་མེད་རེད་མོད།
འོན་ཏེ་ད་ལྟ།
“ཁྱི་རྒན”གྱིས་ཟུག་རྔུ་བྱེད་སྲིད་ལ།
ང་ཚོས་ཀྱང་སྨྲེང་ངག་འདོན་སྲིད།
དེ་ནི། ང་ཚོ་ཕན་ཚུན་ལ་ཆ་རྒྱུས་ཡོད་པས་
མ་ཡིན་མོད།
འོན་ཏེ་ང་ཚོ་ཇི་ལྟར་ཡང་ར་བ་གཅིག་ལས་
མེད་པས་ཡིན།
གཅམ་ཚིག་མ་ཡིན་པའི་ཐ་སྙད་འདི་དག་ནི།
སེམས་པའི་གཏིང་ནས་བྱུང་བ་ཡིན་པས།
མདོར་ན། ཡིད་ལ་ཕངས་པ་སྐྱེས་བྱུང་།
གཏམ་རྒྱུད་བཤད་འཕྲོར་ལུས་པས།
ཐ་སྙད་འདིས་ཀྱང་སེམས་སྡོད་མི་ཚུགས་པར་
བྱས་བྱུང་།
སྒྱུ་རྩལ་གྱི་སྟེགས་བུ།
རམ་འདེགས་ཅི་ཡང་མི་དགོས་པའི་ཤེས་རབ་
དེ་དྲན་བྱུང་།
ཨོཾ་མ་ཎི་པདྨེ་ཧཱུྂ། བདེ་བར་བཞུད།
སྔར་ལས་ལྷག་པའི་གདེང་ཚོད་ཅིག་ཡོད་པར་ཤོག།
༼ བསྟན་འཛིན་སྙན་གྲགས། ༽