འདི་ལོ་ནས་བཟུང་དཔལ་ཡུལ་རྫོང་གིས་ཀྲུང་དབྱང་དང་།ཞིང་ཆེན།ཁུལ་ཨུ་བཅས་ཀྱི་དཔལ་འབྱོར་ལས་དོན་ཚོགས་འདུའི་བཀོད་སྒྲིག་བླང་བྱ་རབ་དང་རིམ་པ་ལག་ལེན་བསྟར་ནས་དཔལ་འབྱོར་དང་སྤྱི་ཚོགས་འཕེལ་རྒྱས་སྤུས་ཚད་མཐོན་པོ་ཡོང་བར་བསྐུལ་རྒྱུ་གཙོ་གནད་དུ་བྱས་ཤིང་། ཤུགས་ཡོད་རྒུས་དཔལ་འབྱོར་འགྲན་པ་དང་འཛུགས་སྐྲུན་བྱས་ཏེ་མ་རྩ་འདྲེན་འགུགས་ཀྱི་ལྟ་སྐྱོང་སྲིད་ཇུས་རབ་དང་རིམ་པ་བཟོས་ནས་དཔལ་ཡུལ་རྫོང་གི་དཔལ་འབྱོར་དང་སྤྱི་ཚོགས་འཕེལ་རྒྱས་སྤུས་ཚད་མཐོན་པོ་ཡོང་བར་ཁྱོན་ཡོངས་ནས་བསྐུལ་ཡོད།

སྔ་ཙམ་ནས་དམ་འཛིན་དང་མགྱོགས་ཙམ་ནས་འགོ་བཙུགས་ཡོད། ཁྲོམ་རའི་དགོས་མཁོ་དང་སྤུས་ཚད་ཀྱི་བླང་བྱ་ཁྲིད་སྟོན་དུ་བྱ་རྒྱུ་རྒྱུན་འཁྱོངས་ནས་དཔལ་ཡུལ་རྫོང་གི་འཕེལ་རྒྱས་ཀྱི་དོན་དངོས་དང་དོན་དངོས་གནས་ཚུལ་སྟངས་འཛིན་ཡང་དག་ཐུབ་པར་བྱས་ཏེ་ཚན་རིག་དང་མཐུན་པའི་ངང་རྫོང་ཡོངས་ཀྱི་ཞིང་འབྲོག་ཐོན་ལས་དང་།རིག་གནས་ཡུལ་སྐོར།སྐྱེ་ཁམས་འདེབས་འཛུགས། ས་ཁང་ཐོན་ལས་གསར་སྤེལ་སོགས་ལ་ཁྱབ་པའི་ཚོང་འགུགས་མ་འདྲེན་ལས་གཞི10བཟོས་ཤིང་། སྔོན་དཔག་བྱས་ན་མ་དངུལ་འཇོག་ཁྱོན་སྒོར་དུང་ཕྱུར10.5ལ་ཟིན་པ་དང་འབྲེལ་སྤྱི་ཟླ2པའི་ཚེས26ཉིན་ཞིང་འབྲོག་ལས་ཀྱི་ཚོང་འགུགས་མ་འདྲེན་གྱི་གཅིག་སྡུད་ཆིངས་འཇོག་ཚོགས་ཆེན་འཚོགས་ཏེ་ལས་གཞི4ལ་མ་འཇོག་བསྡོམས་འབོར་སྒོར་ཁྲི34650གཅིག་བསྡུས་ཀྱིས་ཆིངས་འཇོག་བཞག་ནས་རྫོང་ཡོངས་ཀྱི་ཚོང་འགུགས་མ་འདྲེན་ལས་དོན་གྱི་འགོ་བཙུགས་ཡོད།

འགན་སྲུང་བྱེད་ཤུགས་ཆེ་རུ་བཏང་ཞིང་ཚོང་འདྲེན་ལ་སྣང་ཆེན་བྱས། རྫོང་དེས《དཔལ་ཡུལ་རྫོང་གི་ཚོང་འགུགས་མ་འདྲེན་གྱི་ལྟ་སྐྱོང་བྱ་ཐབས》དང《དཔལ་ཡུལ་རྫོང་གི་སྲིད་ཇུས་ཀྱི་འདེགས་སྐྱོར་ལ་སྔར་བས་ཤུགས་བརྒྱབ་ནས་དེང་རབས་ཞིང་འབྲོག་ཐོན་ལས་ཀྱི་འཕེལ་རྒྱས་སྤུས་ཚད་མཐོན་པོ་ཡོང་བར་སྐུལ་བའི་སྐོར་གྱི་ལག་བསྟར་བསམ་འཆར》སོགས་སྲིད་ཇུས་ཡིག་ཆ2བཟོས་ནས་བཏོན་ཡོད།

འབྲེལ་མཐུད་ལ་ཤུགས་བརྒྱབ་ཅིང་ཚད་གཞི་མཐོན་པོའི་སྒོ་ནས་བསྐུལ་ཡོད། ཞིང་འབྲོག་ཐོན་ལས་དང་།རིག་གནས་ཡུལ་སྐོར།སྐྱེ་ཁམས་འདེབས་འཛུགས། ས་ཁང་ཐོན་ལས་གསར་སྤེལ་སོགས་ཚོང་འགུགས་མ་འདྲེན་གྱི་གཙོ་གནད་ལས་གཞི་ཁྱོན་ཡོངས་ནས་དྲིལ་བསྒྲགས་དང་འོས་སྦྱོར་བྱས་ཏེ་སྲིད་ཇུས་གསལ་འགྲེལ་ཧུར་ཐག་བྱས་ནས་གཅིག་དམིགས་གཅིག་གཏད་ཀྱི་ཞབས་ཞུའི་མཐུན་སྦྱོར་ལམ་སྲོལ་ལ་སྔར་བས་ཤུགས་བརྒྱབ་སྟེ་སྤྱི་ཚོགས་ལས་རིགས་ཁག་གིས་འཕྲལ་མར་དཔལ་ཡུལ་གྱི་ཚོང་འགུགས་མ་འདྲེན་ལས་གཞི་ཤེས་རྟོགས་ཐུབ་པར་འགན་ལེན་བྱས་ཡོད།

ཤེས་རྟོགས་བྱུང་བར་གཞིགས་ན། ཕྱིན་ཆད་ལས་དོན་ཁྲོད་དཔལ་ཡུལ་རྫོང་གིས་ཀྲུང་དབྱང་དང་།ཞིང་ཆེན་དང་།ཁུལ།རྫོང་བཅས་ཀྱིས་དཔལ་འབྱོར་འགྲན། འཛུགས་སྐྲུན་བྱེད་ཅེས་པའི་བཀོད་སྒྲིག་བླང་བྱ་ལག་ལེན་བསྟར་ནས་ཚོང་འགུགས་མ་འདྲེན་ལས་དོན་སྤེལ་ཤུགས་ཆེ་རུ་གཏོང་བ་དང་སྤུས་ཚད་མཐོ་རུ་གཏང་རྒྱུ་ཡིན་ཞིང་། དུས་མཉམ་དུ་རྫོང་ཨུ་དང་རྫོང་སྲིད་གཞུང་གི་བཀོད་སྒྲིག་བླང་བྱ་ལྟར་གཅིག་སྡུད་ཐོག་ཆིངས་འཇོག་བཞག་པའི་ལས་གཞི་གསར་པ་ཁག་གཅིག་ཇུས་འགོད་དམ་འཛིན་བྱས་ནས་ལས་གཞི་ཁག་གཅིག་དོན་འཁྱོལ་བྱ་རྒྱུར་སླར་ཡང་བསྐུལ་རྒྱུའི་འགན་ལེན་བྱས་ཡོད། ཤར་ནུབ་རོགས་ལས་དང་རིགས་མཐུན་རོགས་སྐྱོར་གྱི་ལེགས་ཆའི་ལས་སྟེགས་གང་ལེགས་སྤྱད་དེ་འབྲི་ཆུའི་ནགས་ཀླུང་དཔལ་ཡུལ་ཞེས་པའི་གཙོ་དོན་དྲིལ་བསྒྲགས་བྱེད་སྒོ་ཧང་ཀྲོའུ་དང་ཀོང་ཀྲོའུ་སོགས་སུ་སྤེལ་བའི་ཚོང་འགུགས་བྱེད་སྒོ་གྲ་སྒྲིག་ཧུར་ཐག་བྱས་ཡོད། གདན་ཞུ་དང་ཕྱིར་བསྐྱོད་ཟུང་འབྲེལ་གྱིས་མ་དངུལ་འཇོག་མཁན་དཔལ་ཡུལ་དུ་རྟོག་ཞིབ་དང་བཞུགས་མོལ་ལ་གདན་དྲངས་ནས་དཔལ་ཡུལ་གྱི་འཕེལ་རྒྱས་ལེགས་ཆ་དང་ཕྱི་ཕྱོགས་ཀྱི་གཟུགས་རྣམ་བཟང་པོ་ཁྱོན་ཡོངས་ནས་མངོན་པར་བྱས་ཡོད། ཁེ་ལས་ལ་ཞབས་འདེགས་ཞུ་བ་ནི་འཕེལ་རྒྱས་ལ་ཞབས་འདེགས་ཞུ་བའི་འདུ་ཤེས་དམ་པོར་བཅང་བ་དང་། རྒྱུན་འཁྱོངས་ལྷོད་མེད་ཀྱིས་ཁོར་ཡུག་ལེགས་སུ་གཏོང་བ། ཁེ་ལས་ཐོན་ཁུངས་ཀྱི་གྲུབ་རྐྱེན་གཙོ་བོའི་དགོས་མཁོ་སྐོང་གང་ཐུབ་བྱས་ནས་ལས་གཞི་འགུགས་ཐུབ་པ་དང་། ལག་བསྟར་ཡག་པོ་བྱེད་ཐུབ་པར་འགན་ལེན་ཏན་ཏིག་བྱས་པ་རེད།།

(ཀུན་དགས་བསྒྱུར།)