རྟེན་འབྱུང་སྤྲོས་མེད་ཡན་ལག་ཉེར་སིམ་སྟེ། །
ཤེས་རབ་བླང་དོར་དགེ་འབྲས་ལེགས་གནས་པའི། །
ཚོགས་གཉིས་ཆུ་གཏེར་ལས་འཁྲུངས་སྲིད་ཞིའི་མིག །
མཚུངས་མེད་དྲིན་ཅན་བླ་མར་གུས་འདུད་ཞུ། །
དོན་དམ་ཡིད་བཞིན་འཁོར་ལོ་བཞད་པའི་རྩེར། །
མཁྱེན་བརྩེའི་གཟི་དཔལ་མངོན་པའི་རང་མདངས་ཅན།།
རྨད་བྱུང་དགེ་ལེགས་བསྲུབས་པའི་པདྨོ་རུ། །
འཁོར་འདས་མཉམ་པ་ཆེན་པོར་རོལ་ལ་འདུད། །
འདི་སྣང་གྲིབ་བསིལ་འདྲེས་པའི་ཁོར་ཡུག་ཏུ། །
ཡན་ལག་བདུན་ལྡན་འདབ་བརྒྱ་གྲོལ་མཛད་དེ། །
རྒྱལ་བ་གྲུབ་ཐོབ་བརྙེས་པའི་གདན་ས་རུ། །
ཕྱིན་མཛད་རྟོགས་ལྡན་བླ་མར་ཕྱག་བགྱི་འོ། །
གང་སྐུ་སྟོང་གསལ་སྤྲོས་པའི་ནམ་མཁའ་རུ། །
གསང་གསུམ་ཆོས་ཀྱི་གྲུ་ཆར་འཐོར་མཛད་ཅིང་། །
ས་ཆེན་རྡུལ་གྱིས་འགེངས་པའི་ཁྲི་འཕང་དུ། །
ཕན་བདེའི་བསིལ་ཟེར་ཅན་དེར་ལན་བརྒྱར་འདུད། །
གཡའ་དག་དྲི་བྲལ་ཐུགས་ཀྱི་མེ་ལོང་དུ། །
ཤེས་བྱའི་གནས་ཀུན་མ་ལུས་རབ་རྫོགས་ཏེ། །
སྲིད་གསུམ་གཏིང་མཐའ་སྒུལ་བའི་མཁས་རྒུ་ཅན། །
སུམ་ལྡན་སྒྲུབ་བརྒྱུད་བླ་མར་མགོས་ཕྱག་འཚལ། །
མཁས་བཙུན་གྲུབ་པའི་ཡོན་ཏན་མཐའ་དག་ཀྱང་། །
བུ་སློབ་ཁྲི་སྟོང་གྲལ་དུ་བཞད་པས་ན། །
ཏིང་འཛིན་བསམ་གཏན་ཞི་བའི་རླུང་གཡབ་ཀྱིས། །
ཐམས་ཅད་དབང་དུ་བསྡུས་པ་ཁྱེད་ལ་བཏུད། །
༼ རུས་རྐང་དྭངས་མ། ༽