བརྗིད་ཆགས་ཧི་མ་ལ་ཡའི་མུ་ཁྱུད་ལྷུན་པོའི་ཁྲོད་ན་ངོ་མཚར་དཔོག་དཀའ་བའི་གནས་ཤིག་ཏུ་མཛེས་སྡུག་ཡིད་དབང་འཕྲོག་པའི་ལྷ་མཚོ་ཞིག་ཡོད་པ་དེ་ནི་སྙན་གྲགས་ཀུན་ཏུ་ཁྱབ་པའི་ཡར་འབྲོག་གཡུ་མཚོ་ཞེས་པ་དེ་ཡིན།ཡར་འབྲོག་གཡུ་མཚོ་ནི་བོད་ལྗོངས་ལྷོ་ཁ་ས་ཁུལ་གྱི་སྣ་དཀར་རྩེ་རྫོང་ཁོངས་སུ་གནས་ཤིང་། ལྷ་ས་གྲོང་ཁྱེར་དང་སྤྱི་ལེ100ཙམ་རྒྱང་ཞིང་། མཚོ་འཕགས་སྨི4400ལྷག་ཡོད་པ་རེད།ཡར་འབྲོག་གཡུ་མཚོ་ནི་བོད་ཀྱི་མཚོ་ཆེན་བཞིའི་ཡ་གྱལ་ཏུ་གྲགས་ལ། རང་བྱུང་གི་མཛེས་ལྗོངས་ལྟ་ན་སྡུག་ཅིང་ཡིད་སེམས་དབང་མེད་དུ་འཕྲོག་པས། ལོ་རེར་རྒྱལ་ཁབ་ཕྱི་ནང་གི་ཡུལ་སྐོར་བ་མང་པོ་ཡར་འབྲོག་གཡུ་མཚོའི་མཛེས་ལྗོངས་ལ་ལྟ་སྐོར་བྱེད་དུ་ཡོང་བཞིན་ཡོད།།