ངས་ཁྱོད་ལ་སྙན་ངག་ཅིག་འབྲི་ཨེ་ཆོག།
ཁྱོད་ཀྱི་མིག་གི་ཟུར་མིག་འཕེན་སྟངས་
དེ་འབྲི་ཨེ་ཆོག།
ངས་སྙན་ངག་དེ་རྒྱ་མཚོའི་སྟེང་དུ་འབྲི་འཆར་ཡོད།
ངས་ཁྱོད་ཀྱི་དོན་དུ་མེ་ཏོག་ཅིག་བཏུ་ཨེ་ཆོག།
ཁྱོད་ཚང་གི་རྒྱབ་རི་ངོས་ཀྱི་གུར་ཀུམ་དེ་བཏུ་ཨེ་ཆོག།
ངས་མེ་ཏོག་དེ་རང་ཤག་ཏུ་བཤམ་ཐུབ་པའི་རེ་བ་ཡོད
རེ་བ་ཆུང་ཆུང་ཆུང་ཆུང་ཞིག་ལས།
ཚེ་རོགས་ལྟ་བུའི་རེ་བ་ཞིག་འཆང་ཕོད་ཀྱི་མེད།
དེ་ནི་ངས་ཁྱོད་ངོ་ཤེས་པ་ལས་ཁྱོས་ང་རང་ངོ་
ཤེས་ཀྱིན་མེད་པས་ཡིན།
བཅོ་ལྔའི་ཟླ་བ་ཤར་བྱུང་།
ཟླ་བ་དྭངས་པོ་མ་བྱུང་།
༼ སད་མི། ༽