རྫོང་སྔོན་བློ་བཟང་འཇིགས་མེད།　སྨྱུག་མིང་ལ་གངས་རྩེ་སྨྱུག་ཏུ་འབོད།　རེབ་གོང་རྩེ་ཁོག་ཏུ་སྐྱེས།　《ལང་ཚོའི་ཟུངས་ཁྲག》ཅེས་པའི་སྙན་དེབ་པར་བསྐྲུན་བྱས།　སྦྲང་ཆར་དང་། གངས་རྒྱན་མེ་ཏོག་སོགས་བོད་འབྲེལ་ས་ཁུལ་གྱི་དུས་དེབ་ཏུ་སྙན་ངག་བཀོད།　རྒྱལ་ཡོངས་གངས་རྒྱན་མེ་ཏོག་རྟགས་མ་སྐབས་དང་པོའི་རྩོམ་རིག་བྱ་དགའ་ཐོབ།　དེ་མིན་རྒྱལ་ཡོངས་དང་ཞིང་ཆེན།　ཁུལ་རིམ་པའི་ཡིག་གཟུགས་བྱ་དགའ་གང་མང་ཐོབ།《མཚོ་སྔོན་ཞིང་ཆེན་ཡིག་གཟུགས་བརྩམས་ཆོས་ཕྱོགས་བསྒྲིགས་སྐབས་དྲུག་པ》《མཚོ་སྔོན་རེབ་གོང་།》《རེབ་གོང་སྒྱུ་རྩལ་ཞིབ་འཇུག》《གསེར་མོ་ལྗོངས།》《རོང་བོ་དགུ་ཆུ།》《ཝང་གཉིས་རྒྱལ་ཡོངས་སྐབས་བཞི་པའི་ཡིག་རིས་བྱ་དགའ་ཐོབ་པའི་བརྩམས་ཆོས་འདེམས་བསྒྲིགས།》《ཀྲུང་གོ་བོད་ཀྱི་དྲ་བ།》《ཀྲུང་གོ་བོད་ཀྱི་ཡིག་གཟུགས་དྲ་བ》《མཚོ་སྔོན་བོད་ཡིག་གསར་འགྱུར།》《མཚོ་སྔོན་ཁྲིམས་ལུགས་ཚགས་པར།》《གངས་རྒྱན་ན་ཆུང་ཚགས་པར།》《རྨ་ལྷོ་བོད་ཡིག་ཚགས་པར》《མཚོ་སྔོན་པོ་དྲ་བ》《མཚོ་ལྷོའི་བོད་ཡིག་ཡིག་གཟུགས་འཕྲིན་སྟེགས།》《རྨ་ལྷོ་བརྙན་འཕྲིན་ཁང་བོད་སྐད་འཕྲིན་སྟེགས》སོགས་སུ་ཡིག་གཟུགས་བརྩམས་ཆོས་བདམས་བཀོད་བྱས།　གཞན་ཡང་བརྩམས་ཆོས་ཁག་གཅིག་ལ་ཉར་ཚགས་འཛིན་ཡིག་ཐོབ།　ད་ལྟ་མཚོ་སྔོན་ཞིང་ཆེན་བོད་ཡིག་ཡིག་གཟུགས་རྒྱུན་འཛིན་དར་སྤེལ་ཞིབ་འཇུག་ཚོགས་པའི་ཚོགས་མི་དང་།　མཚོ་སྔོན་ཞིང་ཆེན་སྲ་སྨྱུག་ཡིག་མཁན་མཐུན་ཚོགས་ཀྱི་ཚོགས་མི།　རྨ་ལྷོ་ཁུལ་ཡིག་མཁན་མཐུན་ཚོགས་ཀྱི་ཚོགས་མི།　རྫོང་རིམ་པའི་ཡིག་གཟུགས་བརྒྱུད་འཛིན་པ་བཅས་ཡིན།