ཐ་སྙད་མང་པོས་ལྷན་པ་བརྒྱབ་ཀྱང་།
ཡོངས་སུ་མཚོན་ཐབས་མེད་པའི་
བདག་གི་ཁེར་རྐྱང་ལ་ཐིམ་པའི་ཉི་
ནུབ་དེར།
རྒྱང་རིང་ནི་རབ་རིབ་ནས་རབ་རིབ་
ཏུ་གྱུར།
དེ་ལྟ་ནའང་། བདག་གི་རྣམ་ཤེས་ཀྱི་སྣེ་
མོ་རེ་རེར།
རྨི་ལམ་གྱི་ཁང་ཁྱིམ་ནས་འཕྲད་པའི་བུ་
མོ་ཁྱོད།
ནགས་འདབས་སྙེག་པའི་རི་དྭགས་ཤིག་
དང་གཉིས་སུ་མེད་པར།
ང་ཡི་སྙན་ངག་གི་ཡུལ་ལྗོངས་སུ་དལ་གྱིས་
བྱོན་པ་ཡིས།
ལྷིང་འཇགས་སུ་སྡོད་པའི་རང་བྱུང་ཁམས་
ཀྱི་ང་ལ།
ནང་སེམས་ཁོ་ནས་ཡུལ་དུ་གྱུར་པའི་
བརྩམས་སྒྲུང་ཞིག་དང་།
རྨི་ལམ་གྱི་སྟེགས་བུ་ཁོ་ནར་ལེན་ཆོག་པའི་
གླུ་གཞས་ཤིག་ཀྱང་བསྩལ།
མིང་ཚིག་མང་པོ་ལྷན་དུ་བསྒྲིགས་ཀྱང་།
གཏན་ནས་མཚོན་ཐབས་མེད་པའི་
བདག་གི་རྣམ་ཤེས་ལ་ཐིམ་པའི་ཉི་
ནུབ་དེར།
དངོས་ཡོད་ནི་རབ་རིབ་ནས་རབ་རིབ་
ཏུ་གྱུར།
དེ་ལྟ་ནའང་། ང་ཡི་སྙན་ངག་གི་སྣེ་མོ་
རེ་རེར།
འཁྲུལ་སྣང་གི་གླིང་ག་ནས་མཇལ་བའི་
བུ་མོ་ཁྱོད།
མཚོ་མཐར་ལྡིང་བའི་ངང་པ་ཞིག་དང་
གཉིས་སུ་མེད་པར།
ང་ཡི་བློས་བསླངས་ཀྱི་སྒྲུང་རྩོམ་དུ་དལ་གྱིས་
བྱོན་པ་ཡིས།
ཁེར་རྐྱང་དུ་སྡོད་པའི་སྐྱོ་གར་འཐུ་བའི་
ང་ལ།
རྣམ་ཤེས་ཁོ་ན་འཁྱིལ་སའི་གནས་
མལ་ཞིག་དང་།
འདས་ཟིན་པའི་དྲན་པ་མཐའ་དག་
ཉར་སའི་འབྲི་དེབ་ཅིག་ཀྱང་བསྩལ།
༼ ཐོར་བུ། ༽