ནམ་མཁའ་འདི་རྒྱ་ཆེ་བས།
སྤྲིན་པ་ཚོའི་གཡོ་སྟངས་གྲལ་མི་འགྲིག།
རྟོག་ཚོགས་འདི་མཐའ་ཡས་པས།
འཆར་སྣང་འདི་དག་གི་གནས་ལུགས་
དཔག་པར་དཀའ།
དགུན་ཟླ་འདི་གྲང་ངར་ཆེ་བས།
འོད་ལམ་ལམ་དུ་འཁྱུག་པའི་ཉི་འོད་ཤིན་ཏུ་དཀོན།
སྨག་རུམ་འདི་འཁྲིགས་ཡུན་རིང་བས།
རྒྱང་རིང་གི་ལམ་བུར་ཕྱི་མིག་བལྟས་ཀྱང་ཅི་
ཞིག་མཐོང་ནུས།
སེམས་པ་འདི་གྱ་གྱུ་མོད་པས།
ལྷད་མེད་པའི་འཛུམ་མདངས་སྣུམ་པོ་ཞིག་རྙེད་
པར་དཀའ།
བདག་གི་རྟོག་ཚོགས་འདི་རེ་ལྟོས་ཀྱི་འཇུས་སོང་
བ་ལན་ནམ།
འཁོར་བ་འདིའི་མཐའ་དབུས་ཀུན་གྱི་གྲིབ་མ་
མཐུག་སོང་བ་ལན།
༼ མཱ་ལ་ཏི། ༽