སྤྱི་ཟླ་དང་པོའི་ཚེས26ཉིན་གྱི་སྔ་དྲོར་སི་ཁྲོན་ཞིང་ཆེན་སྐབས་བཅུ་བཞི་པའི་མི་དམངས་འཐུས་མི་ཚོགས་ཆེན་གྱི་ཚོགས་འདུ་ཐེངས་གཉིས་པའི་གྲོས་རིམ་ཁག་ཕུན་སུམ་ཚོགས་པོའི་ངང་གྲུབ་རྗེས་ཁྲེང་ཏུའུ་རུ་གྲོལ་བ་རེད།

ཞིང་ཆེན་སྐབས་བཅུ་བཞི་པའི་མི་དམངས་འཐུས་ཚོགས་གྱི་ཚོགས་འདུ་ཐེངས་གཉིས་པར་འཐུས་མི880འབྱོར་དགོས་པ་དང་མཇུག་འགྲིལ་ཚོགས་འདུར་འཐུས་མི857འབྱོར་ཡོད་ཅིང་ཁྲིམས་འབེབས་མི་གྲངས་དང་མཐུན་ཡོད།

ཞིང་ཆེན་ཏང་ཨུའི་ཧྲུའུ་ཅི་དང་།　ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན།　ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་ཝང་ཞའོ་ཧུའེ་ཡིས་གཙོ་སྐྱོང་གནང་བ་དང་འབྲེལ་གསུང་བཤད་གནང་།　ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི།　ལག་བསྟར་ཀྲུའུ་ཞི་ཡུས་ལི་ཅུན་དང་།　ཝང་ཡན་ཧྥེ།　ལུའོ་ཆང་།　ཀྲུའུ་ཁྲུན་ཞིའུ།　ཕེང་ལིན།　སུང་ཁྲའོ་ཧྭ།　ཝང་ཧྥེ།　ལིའུ་ཕིང་།　ཧོ་ཡན་ཀྲེང་།　ཀྲུའུ་ཅ་ཏེ།　ཧོ་ལི།　ཅ་རུའེ་ཡུན་བཅས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས་ཡོད་པ་རེད།

ཞིང་ཆེན་ཏང་ཨུའི་ཧྲུའུ་ཅི་གཞོན་པ།　ཞིང་དཔོན་ཧོང་ཆང་དང་།　ཞིང་ཆེན་སྲིད་གྲོས་ཀྱི་ཀྲུའུ་ཞི་ཐེན་ཞང་ལི།　ཞིང་ཆེན་ཏང་ཨུའི་ཧྲུའུ་ཅི་གཞོན་པ།　ཁྲེང་ཏུའུ་གྲོང་ཁྱེར་ཏང་ཨུའི་ཧྲུའུ་ཅི་ཧྲི་ཞའོ་ལིན།　ནུབ་རྒྱུད་འཐབ་ཁུལ་གྱི་ཀྲུང་ཅང་།　ཆབ་སྲིད་ཨུ་ཡོན་གཞོན་པ།　ནུབ་རྒྱུད་འཐབ་ཁུལ་མཁའ་དམག་གི་ཆབ་སྲིད་ཨུ་ཡོན་ཅང་ཕིང་བཅས་མཇུག་འགྲིལ་ཚོགས་འདུར་ཞུགས་པར་མ་ཟད་ཀྲུའུ་ཞིའི་སྟེགས་བུར་བཞུགས་ཡོད།

ཐེངས་འདིའི་ཚོགས་ཆེན་གྱི་འདེམས་བསྐོ་བྱེད་ཐབས་ཀྱི་གཏན་འབེབས་ལྟར།　སྤྱི་ཁྱབ་འདེམས་ཤོག་ལྟ་ཞིབ་པ་དང་འདེམས་ཤོག་ལྟ་ཞིབ་པའི་ལྟ་སྐུལ་འོག།　ཚོགས་ཆེན་དུ་རང་མིང་མི་འགོད་པའི་འདེམས་ཤོག་འཕེན་ཐབས་སྤྱད་དེ།　ཝང་ལིན་སི་ཁྲོན་ཞིང་ཆེན་མི་དམངས་ཞིབ་དཔྱོད་ཁང་གི་ཞིབ་དཔྱོད་མགོ་འཛིན་དུ་བདམས་པ་དང་།　ཆེས་མཐོའི་མི་དམངས་ཞིབ་དཔྱོད་ཁང་གི་ཞིབ་དཔྱོད་མགོ་འཛིན་གྱིས་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་ལ་ཆོག་མཆན་དགོད་པར་བསྒུག་དགོས།　ཚོགས་ཆེན་དུ་མཱ་པོ་དང་།　ཧོ་ཕིང་།　ལུའོ་དབྱི།　ཙེང་གོ་ཡུང་བཅས་སི་ཁྲོན་ཞིང་ཆེན་སྐབས་བཅུ་བཞི་པའི་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་དུ་བདམས་ཡོད།

ཚོགས་ཆེན་དུ་སྲིད་གཞུང་གི་ལས་དོན་སྙན་སེང་སྐོར་གྱི་གྲོས་ཆོད་དང་།　སི་ཁྲོན་ཞིང་ཆེན་གྱི2023ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞི་ལག་ལེན་བསྟར་ཚུལ་དང2024ལོའི་འཆར་གཞིའི་སྐོར་གྱི་གྲོས་ཆོད།　སི་ཁྲོན་ཞིང་ཆེན་གྱི2023ལོའི་སྔོན་རྩིས་ལག་ལེན་བསྟར་ཚུལ་དང2024ལོའི་སྔོན་རྩིས་སྐོར་གྱི་གྲོས་ཆོད།《〈སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་སྲོལ་ཡིག〉ལ་བཟོ་བཅོས་བརྒྱག་རྒྱུའི་སྐོར་གྱི་སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་གྱི་གཏན་འབེབས》　　སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་སེང་སྐོར་གྱི་གྲོས་ཆོད།　སི་ཁྲོན་ཞིང་ཆེན་མཐོ་རིམ་མི་དམངས་ཁྲིམས་ཁང་གི་ལས་དོན་སྙན་སེང་སྐོར་གྱི་གྲོས་ཆོད།　　སི་ཁྲོན་ཞིང་ཆེན་མཐོ་རིམ་མི་དམངས་ཞིབ་དཔྱོད་ཁང་གི་ལས་དོན་སྙན་སེང་སྐོར་གྱི་གྲོས་ཆོད་བཅས་ལ་བརྡས་ཐག་བཅད་དེ་གྲོས་འཆམ་བྱུང་བ་རེད།

（ པར་ངོས་གཉིས་པར་གཟིགས།）