བཀྲ་ཤིས་ཀྱི་གནམ་ལོ་གསར་པ་ཚེས་བྱུང་།
རེ་བ་དང་སྨོན་འདུན་ངག་ལ་བསྐྱོར་ནས།
དགའ་འཛུམ་གྱི་ཉི་མ་དེ་རིང་སྐྱིད་སོང་།།
ལོ་སར་ལ་ཚེ་རིང་རྣམ་དྲུག་འཁོར་ཤོག།
རྒན་པ་རྣམས་ཚེ་ཐག་རིང་བའི་སྨོན་ལམ།།
གཞོན་པ་རྣམས་ལང་ཚོའི་འདབ་ལག་རྒྱས་ཤོག།
རྟེན་འབྲེལ་གྱི་དུང་གི་སྒྲ་དབྱངས་སྙན་མོ།།
བཀྲ་ཤིས་ཀྱི་གནམ་ལོ་གསར་པ་བསུ་ཡ།།
ཁ་གཡང་དང་ཚིག་གི་འཛུམ་པ་རང་འཁོར།།
འཛུམ་མདངས་དང་རེ་བའི་རྟེན་འབྲེལ་ཞུ་ཡ།།
ཁྲེལ་གཞུང་དང་ཕྱི་ཐག་རིང་བའི་བཀྲ་ཤིས།།
ཁྱིམ་མི་དང་སྤུན་ཟླའི་ཅི་བསམ་འགྲུབ་ཤོག།
དཔལ་འབྱོར་གྱི་རུ་དང་སྡེ་བ་ཕྱྭ་གཡང་།།
བདེ་སྐྱིད་ཀྱི་ནོར་བུ་སུམ་ཚོགས་འཕེལ་ཤོག།
བསམ་དོན་ཀྱི་རི་མོ་ལྷུན་གྱིས་འགྲུབ་ཤོག།
ཚེ་བསོད་ཀྱི་རླུང་རྟའི་དགེ་མཚན་རྒྱས་ཤོག།
༼ སྦྲ་སྲས་གངས་བུ་འཛུམ་གྲོལ། ༽