དཔྱིད་ཁའི་མེ་ཏོག་འགོ་མ། །
ཁ་བའི་ལྗོངས་སུ་བསླེབས་ནས། །
འཛམ་གླིང་བདེ་སྐྱིད་ཡོང་བར། །
ཡིད་ཀྱི་སྨོན་པ་བྱས་ཡོད། །
ད་ཡོད་གཉེན་ཉེ་མི་རྣམས། །
ལྷན་འཛོམས་སྤྲོ་བས་ཁེངས་ཡོད། །
སྙུག་ཤོག་དཀར་དཀར་སྟེང་ལ། །
རེ་བའི་གཤོག་ཟུང་ཁུར་བའི། །
དགའ་སྐྱོའི་གླུ་དབྱངས་རེ་ལ། །
ཁུ་བྱུག་གསུང་སྙན་འཛོམས་ན། །
དཔྱིད་དཔལ་ངག་གི་འདབ་མ། །
སེམས་ཀྱི་རྟེན་སྐལ་ཡིན་འགྲོ། །
ལྗང་མདོག་ས་ཞིང་གཞུང་ལ། །
ཚིག་ལ་ཚིག་གཤིས་ཡག་པ། །
ངག་ལ་ངག་དབྱངས་སྙན་པ། །
སྙན་ངག་མཁན་པོའི་ཞལ་ནས། །
དབྱངས་ཅན་དགྱེས་གླུ་ཐོས་བྱུང་། །
དཔྱིད་ཀྱི་དཔལ་ཡོན་རྒྱས་སོང་། །
རང་ལམ་ཁ་བས་གཡོགས་དུས། །
སེམས་ཀྱི་མཛའ་མོ་བོར་བྱུང་། །
མགྲིན་པའི་གླུ་སྐད་འགགས་པས། །
ཟླ་འོད་ཁྲོམ་པའི་ཟིལ་དབྱངས། །
ལག་ལ་འཐོབ་པ་བྱུང་ན། །
སྐྱོ་བའི་གདུང་བ་སེལ་འགྲོ། །
༼ ཁམས་ཟླ་སྲས། ༽