( པར་ངོས་དང་པོར་མཐུད།)དེང་རབས་ཅན་གྱི་འགྲིམ་འགྲུལ་གྱི་རྨང་གཞིའི་སྒྲིག་བཀོད་མ་ལག་འཛུགས་སྐྲུན་ལ་ཤུགས་སྣོན་པ་དང་རྒྱུ་རྐྱེན་གཙོ་བོ་ནུས་ཆེ་དང་། རང་མོས།སྟབས་བདེ་བཅས་ཀྱི་འཁོར་རྒྱུག་ལ་སྐུལ་འདེད་བཏང་ནས་འཕེལ་རྒྱས་ཀྱི་རྣམ་པ་གསར་པར་དེ་བས་ལེགས་པའི་སྒོ་ནས་ཞབས་ཞུ་དང་མཉམ་འདྲེས་ཐུབ་པར་བྱ་དགོས། སྐྱེ་ཁམས་ཁོར་ཡུག་སྲུང་སྐྱོང་དང་ལྗང་མདོག་ཐཱན་ཉུང་འཕེལ་རྒྱས་ལ་མཉམ་དུ་སྐུལ་འདེད་བཏང་ནས་མཛེས་སྡུག་ལྡན་པའི་དབུས་རྒྱུད་འཛུགས་སྐྲུན་མགྱོགས་པོ་བྱ་དགོས། གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་མཐའ་འཁྱོངས་ཏེ་གྲོང་གསེབ་ཕྱོགས་ཡོངས་ནས་དར་རྒྱས་ཡོང་བར་སྐུལ་འདེད་ཏན་ཏིག་གཏང་དགོས། འབྲུ་རིགས་དང་ནུས་རྒྱུའི་ཐོན་ཁུངས་འགན་སྲུང་བྱེད་ནུས་ཆེ་རུ་ཤུགས་ཆེན་བཏང་ནས་སྤུས་ཚད་མཐོ་བའི་འཕེལ་རྒྱས་དང་ཆུ་ཚད་མཐོ་བའི་བདེ་འཇགས་ལ་ཕན་ཚུན་སྐུལ་འདེད་གཏང་དགོས། ཀྲུང་དབྱང་ས་ཁོངས་མཐུན་སྦྱོར་འཕེལ་རྒྱས་མགོ་ཁྲིད་ཚོགས་ཆུང་གིས་སྤྱི་འདོམས་མཐུན་སྦྱོར་ལ་ཤུགས་སྣོན་སྟེ། ལས་འགན་ཁག་ཞིབ་ཕྲ་དང་ཏན་ཏིག་བཟོ་བ་དང་གསལ་ཐོ་རྣམ་པའི་ཐོག་ནས་དོན་འཁྱོལ་ལ་སྐུལ་འདེད་གཏང་དགོས། འབྲེལ་ཡོད་སྡེ་ཚན་གྱིས་རྒྱབ་སྐྱོར་བྱེད་ཤུགས་ཆེ་རུ་བཏང་སྟེ་ཧྲན་ཞིས་དང་། ཨན་ཧུའེ། ཅང་ཞིས། ཧོ་ནན། ཧུའུ་པེ། ཧུའུ་ནན་བཅས་དབུས་རྒྱུད་ཞིང་ཆེན་དྲུག་གིས་བྱེད་པོའི་འགན་འཁྲི་ཏན་ཏིག་འཁུར་བ་དང་ལས་ཀའི་མཉམ་ཤུགས་ཆེན་པོ་གཅིག་ཏུ་བསྒྲིལ་ནས་དབུས་རྒྱུད་ས་ཁུལ་དར་རྒྱས་ཀྱི་ལེའུ་གསར་པ་ཧུར་ཐག་བརྩམ་དགོས།

ཚོགས་འདུའི་ཐོག་བསྟན་དོན། དངུལ་རྩའི་ཉེན་ཁ་འགོག་ཟོན་དང་སེལ་བ་ནི་རྒྱལ་ཁབ་ཀྱི་བདེ་འཇགས་དང་། འཕེལ་རྒྱས་ཀྱི་སྤྱི་ཡོངས། མི་དམངས་ཀྱི་རྒྱུ་ནོར་བདེ་འཇགས་བཅས་དང་འབྲེལ་བ་ཡོད་པས། དེ་ནི་སྤུས་ཚད་མཐོ་བའི་འཕེལ་རྒྱས་མངོན་འགྱུར་ཡོང་བར་ངེས་པར་དུ་མཆོང་སྐྱོད་བྱེད་པའི་འགག་སྒོ་གལ་ཆེན་ཞིག་རེད། 《དངུལ་རྩའི་ཉེན་ཁ་འགོག་ཟོན་དང་སེལ་བའི་འགན་འཁྲི་བདའ་འདེད་གཏན་འབེབས（ཚོད་ལྟའི་ལག་བསྟར）》བཟོས་ནས་བཏོན་པ་ནི་དངུལ་རྩའི་ཁྱབ་ཁོངས་སུ་ཕྱོགས་ཡོངས་ནས་ཏང་ནན་པོས་སྐྱོང་བའི་བླང་བྱ་དོན་འཁྱོལ་ལ་སྔར་བས་སྐུལ་འདེད་གཏོང་བ་དང་། ཏང་ཀྲུང་དབྱང་གིས་དངུལ་རྩའི་ལས་དོན་ལ་གཅིག་སྡུད་གཅིག་གྱུར་གྱི་འགོ་ཁྲིད་བྱེད་ཤུགས་ཆེ་རུ་གཏོང་བ། དངུལ་རྩའི་ཁྱབ་ཁོངས་ཀྱི་འབྲེལ་ཡོད་དོ་དམ་སྡེ་ཚན་དང་། དངུལ་རྩའི་སྒྲིག་གཞི། ལས་རིགས་གཙོ་གཉེར་སྡེ་ཚན། ས་གནས་ཏང་ཨུ་སྲིད་གཞུང་བཅས་ཀྱི་འགན་འཁྲི་སྔར་བས་ནན་དུ་གཏོང་བ། རིམ་ཁག་མགོ་ཁྲིད་ལས་བྱེད་པར་ཡང་དག་པའི་སྲིད་དོན་ལས་རྗེས་ཀྱི་ལྟ་བ་འཛུགས་པར་སྐུལ་འདེད་གཏོང་བ་བཅས་བྱས་ནས། དངུལ་རྩའི་ལྟ་འདོམས་ལ་ཕྱོགས་ཡོངས་ནས་ཤུགས་སྣོན་པ་དང་། དངུལ་རྩའི་ཉེན་ཁ་འགོག་ཟོན་དང་སེལ་བ། དངུལ་རྩ་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་བཅས་ཀྱི་ལས་འགན་ཁག་དོན་འཁྱོལ་ཡག་པོ་བྱ་དགོས།

ཚོགས་འདུའི་ཐོག་ནན་གསུང་གནང་དོན། 《གཏན་འབེབས》ལག་བསྟར་དོན་འཁྱོལ་ལ་དམ་འཛིན་ཏན་ཏིག་བྱས་ཏེ། ནན་པོ་མཐའ་འཁྱོངས་དང་། མཁྲེགས་སར་གཏུག་ཕོད་པ། དོ་དམ་བྱེད་ཕོད་པ་དང་ནན་པོ་བྱེད་ཕོད་པ། དོ་དམ་ངོ་མ་དང་ནན་པོ་ངོ་མ་བཅས་བྱས་ནས། འགན་འཛོལ་ཤོར་ན་ངེས་པར་དུ་བདའ་འདེད་གཏོང་བ་དང་བདའ་འདེད་གཏོང་བར་ངེས་པར་དུ་ནན་པོ་བྱེད་པའི་བརྡ་རྟགས་དྲག་པོ་གཏོང་བ་དང་། དངུལ་རྩའི་ལྟ་འདོམས་ལ“ནུས་ཤུགས་ཡོད་པ”དང་མགོ་ཡོད་མཇུག་ཡོད་ཐུབ་པར་སྐུལ་འདེད་བཏང་སྟེ། དགོངས་གཞི་ནན་པོ་དང་། བྱེད་ཐབས་ནན་པོ། རྣམ་པ་ཟབ་མོ་བཅས་དངུལ་རྩའི་ཁྱབ་ཁོངས་སུ་འཛུགས་པ་དང་འབྲེལ་ཡུན་རིང་རྒྱུན་འཁྱོངས་བྱ་དགོས།།

（ མི་དམངས་ཉིན་རེའི་ཚགས་པར་ནས་དྲངས།）