ཞིན་ཧྭ་གསར་འགྱུར་ཁང་ནས་ཟླ6ཚེས2ཉིན་གློག་འཕྲིན་འབྱོར་གསལ། གསར་འགོད་པར་རྒྱལ་ཁབ་འཇིག་རྟེན་འཕུར་སྐྱོད་ཅུས་ནས་ཤེས་རྟོགས་བྱུང་བར། སྤྱི་ཟླ6པའི་ཚེས2ཉིན་གྱི་ཆུ་ཚོད6དང་སྐར་མ23ལ། ཆུའེ་ཆའོ་ཨང་གཉིས་པའི་བར་མཐུད་སྲུང་སྐར་གྱི་རྒྱབ་སྐྱོར་འོག། ཟླ་བའི་ལྷ་མོ་ཨང་དྲུག་པའི་བབས་ཆས་དང་འདེགས་ཆས་ཀྱི་སྡེབ་སྒྲིག་ཕུང་གྲུབ་ཟླ་བའི་གོ་ལའི་རྒྱབ་ངོས་ཀྱི་ལྷོ་སྣེའི་ཨའེ་ཐེ་ཁེན་གཤོངས་སའི་སྔོན་འདེམས་བབས་ཁུལ་དུ་བདེ་བླག་ངང་བབས་ཤིང་། དེའི་ཐོག་ནས་མིའི་རིགས་ཀྱི་འཚོལ་ཞིབ་ཡོ་བྱད་ཀྱིས་ཟླ་བའི་གོ་ལའི་རྒྱབ་ངོས་སུ་དངོས་དཔེ་འཚོལ་བསྡུའི་ལས་འགན་ཐོག་མར་སྒྲུབ་འགོ་ཚུགས་པ་མཚོན་གྱི་ཡོད་པ་རེད།

པར་འདི་ནི་སྤྱི་ཟླ6ཚེས2ཉིན། པེ་ཅིང་འཇིག་རྟེན་འཕུར་སྐྱོད་ཚོད་འཛིན་ལྟེ་གནས་ཀྱི་འཆར་ཤེལ་ནས་པར་བརྒྱབ་པའི་ཟླ་བའི་ལྷ་མོ་ཨང་དྲུག་པའི་བབས་ཆས་དང་འདེགས་ཆས་ཀྱི་སྡེབ་སྒྲིག་ཕུང་གྲུབ་ཟླ་བའི་གོ་ལའི་རྒྱབ་ངོས་སུ་བབས་པའི་རྣམ་པ་རེད།།

（ མི་དམངས་དྲ་བ་ནས་དྲངས།）