ད་ལྟ་ངས་ས་རུབ་པར་སྒུག་ཡོད།
ས་རུབ་དུས་ངས་རྨི་ལམ་རྨི་ཆོག།
རྨི་ལམ་དུ་ང་རང་རྩྭ་ཐང་དང་
མེ་ཏོག་ལྡུམ་རར་ལོག་ཆོག།
རྨི་ལམ་དུ་ངས་མེ་ཏོག་ཅིག་གི་
འདབ་མ་ཡང་ཡང་བཏུ་ཆོག
རྨི་ལམ་དུ་མེ་ཏོག་ཅིག་གི་འགྱུར་
ཁུག་ལ་ཉན་ཆོག།
ད་ལྟ་ངས་སུ་རུབ་པར་སྒུག་ཡོད།
ས་རུབ་དུས་ངས་ལྷིང་འཇགས་
ཀྱི་མཚན་མོ་བསུ་ཆོག།
ས་རུབ་དུས་རང་ཉིད་གཅིག་
པུར་ཙོག་ནས་ཅི་ཡང་དྲན་ཆོག།
ས་རུབ་དུས་ངས་འཇིག་རྟེན་
ཕྱེད་ཀ་དཀར་པོ་ཡིན་པ་རྟོགས།
དོ་ནུབ་ཀྱང་ང་རང་གཅིག་པུར་
ཁང་སྟོང་ཆུང་ཆུང་ནང་ཡོད།
ས་རུབ་ཁར་ཟླ་བ་སྔར་བཞིན་
སྒེའུ་ཁུང་ལས་ཤར་ཡོང་།
ཟླ་འོད་ལས་ངས་ཁྱོད་རང་འོད་
ཅིག་ཡིན་པ་རྟོགས།
ཟླ་འོད་ལས་ངས་ཁྱོད་རང་
དབྱིབས་ཤིག་ཡིན་པ་རྟོགས།
དབྱིབས་དེ་གྲུ་བཞི་ཞིག་
ཡིན་པ་རྟོགས།
༼ དུ་སྤྲིན། ༽