ཉེ་ཆར་རྒྱལ་ཁབ་བསྡོམས་རྩིས་ཅུས་ཀྱིས་ཁྱབ་བསྒྲགས་བྱས་པའི་གྲངས་གཞི་ལས་མངོན་པ་ལྟར་ན། ད་ལོའི་དབྱར་འབྲུ་འདེབས་ཁྱོན་བརྟན་པོ་རྒྱུན་འཁྱོངས་ཐུབ་ནས་མུའུ་རེའི་ཐོན་འབབ་ཅུང་འཕར་བ་དང་། དབྱར་འབྲུའི་ཐོན་འབབ་ཏུན་ཁྲི14978（རྒྱ་མ་དུང་ཕྱུར2996）ཟིན་པ་དེ་ལོ་གོང་མ་ལས་ཏུན་ཁྲི362.7（རྒྱ་མ་དུང་ཕྱུར་72.5）འཕར་བ་དང་དུས་མཚུངས་ལས་བརྒྱ་ཆ2.5འཕར་ཡོད་ཅིང་། དེའི་ནང་གྲོའི་ཐོན་འབབ་ཏུན་ཁྲི13822（རྒྱ་མ་དུང་ཕྱུར2764）ཟིན་པ་དེ་ལོ་གོང་མ་ལས་ཏུན་ཁྲི365.8（རྒྱ་མ་དུང་ཕྱུར73.2）འཕར་བ་དང་དུས་མཚུངས་ལས་བརྒྱ་ཆ2.7འཕར་ཡོད། རང་རྒྱལ་གྱི་དབྱར་འབྲུར་ལོ་ལེགས་བྱུང་ནས་ལོ་ཧྲིལ་པོའི་འབྲུ་རིགས་ཐོན་སྐྱེད་བརྟན་པོ་ཡོང་བར་རྨང་གཞི་བརྟན་པོ་བཏིང་ཡོད་པ་རེད།

དབྱར་འབྲུ་འདེབས་ཁྱོན་བརྟན་པོ་རྒྱུན་འཁྱོངས་ཐུབ་ཅིང་། ད་ལོ་རྒྱལ་ཡོངས་ཀྱི་དབྱར་འབྲུ་འདེབས་ཁྱོན་སྤྱི་ཆིང་སྟོང26613.1（མུའུ་ཁྲི39919.6）ཟིན་པ་དེ་ལོ་གོང་མ་ལས་སྤྱི་ཆིང་སྟོང4.5（མུའུ་ཁྲི6.8）འཕར་ནས་སྤྱིའི་ཆ་ནས་བརྟན་པོ་རྒྱུན་འཁྱོངས་ཐུབ་ཡོད། དེའི་རྒྱུ་རྐྱེན་གཙོ་བོ་ནི་ས་གནས་ཁག་གིས་འབྲུ་རིགས་བདེ་འཇགས་ཐད་ཏང་སྲིད་ཀྱི་འགན་འཁྲི་གཅིག་མཚུངས་དོན་འཁྱོལ་ནན་པོ་བྱེད་པ་དང་། རྨོ་ཞིང་སྲུང་སྐྱོང་དང་སྤྱོད་སྒོ་དོ་དམ་ཚོད་འཛིན་ལ་ཤུགས་རྒྱག་པ། དགུན་དལ་ཞིང་ཁ་གསར་སྤེལ་བེད་སྤྱོད་དང་འདེབས་འཛུགས་གྲུབ་ཆ་ལེགས་སྒྲིག་སོགས་ཀྱི་བྱ་ཐབས་བརྒྱུད་རྒྱ་ཁྱོན་གྱི་མི་མངོན་པའི་སྟོབས་ཤུགས་སྔོག་འདོན་གང་ལེགས་བྱེད་པ་དང་། རྒྱལ་ཁབ་ཀྱིས་ཞིང་དར་ཞིང་ཕན་གྱི་སྲིད་ཇུས་རབ་དང་རིམ་པ་མུ་མཐུད་འདོན་པ་དང་གྲོ་ཉོ་སྒྲུབ་ཀྱི་རིན་གོང་དམའ་ཤོས་མཐོ་རུ་བཏང་ནས་རྨོ་ཞིང་གི་ས་བཅུད་སྲུང་སྐྱོང་ཁ་གསབ་མུ་མཐུད་ལག་བསྟར་བྱེད་པ། （ པར་ངོས་གཉིས་པར་གཟིགས།）

གྲངས་གཞི་གསར་པ། ལྟ་ཚུལ་གསར་པ།

དབྱར་འབྲུའི་ཐོན་འབབ་ཏུན་ཁྲི14978（རྒྱ་མ་དུང་ཕྱུར2996）ཟིན་ནས་ལོ་གོང་མའི་དུས་མཉམ་ལས་བརྒྱ་ཆ2.5འཕར་ཡོད།