（ པར་ངོས་དང་པོར་མཐུད།）འབྲུ་རིགས་ཐོན་སྐྱེད་རྫོང་ཆེ་གྲས་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་བ། ཞིང་པས་འབྲུ་རིགས་འདེབས་པ་དང་ས་གནས་ཀྱིས་འབྲུ་རིགས་ལ་དམ་འཛིན་བྱེད་པའི་ཧུར་བརྩོན་རང་བཞིན་སྐུལ་སློང་གང་ལེགས་བཅས་བྱེད་པ། 2023ལོའི་སྟོན་དགུན་རྨོད་དུས་སུ། དགུན་གྲོ་ཐོན་ཁུལ་གཙོ་བོའི་ས་ཞིང་གི་བཞའ་ཚན་ཆེ་ཆུང་སྤྱིར་ན་འཚམ་པོ་ཡོད་ལ་ས་ཁུལ་མང་ཆེ་བར་རྨོ་འདེབས་ལ་འཚམ་པ་མ་ཟད་དགུན་གྲོའི་འདེབས་ཁྱོན་བརྟན་པོའི་ངང་ཆེ་རུ་ཕྱིན་ཡོད་པ་རེད།

དབྱར་འབྲུ་མུའུ་རེའི་ཐོན་འབབ་ཅུང་འཕར་ཞིང་། ད་ལོ་རྒྱལ་ཡོངས་ཀྱི་དབྱར་འབྲུ་མུའུ་རེའི་ཐོན་འབབ་སྤྱི་ཆིང་རེར་སྤྱི་རྒྱ5628.0（མུའུ་རེར་སྤྱི་རྒྱ375.2）ཟིན་པ་དེ་ལོ་གོང་མ་ལས་སྤྱི་ཆིང་རེར་སྤྱི་རྒྱ135.4（མུའུ་རེར་སྤྱི་རྒྱ9.0）འཕར་བ་དང་དུས་མཚུངས་ལས་བརྒྱ་ཆ2.5འཕར་ཡོད། གནམ་གཤིས་ཀྱི་ཆ་རྐྱེན་སྤྱི་ཡོངས་ནས་ལེགས་པ་དང་། ཐོན་སྐྱེད་ཀྱི་ཆ་རྐྱེན་རྒྱུན་མཐུད་ལེགས་སུ་ཕྱིན་པ། མུའུ་རེའི་ཐོན་འབབ་མཐོ་རུ་གཏོང་བའི་ལས་དོན་ལ་ཕན་འབྲས་རགས་ཙམ་ཐོན་པ་བཅས་ནི་དབྱར་འབྲུ་མུའུ་རེའི་ཐོན་འབབ་འཕར་བའི་རྒྱུ་རྐྱེན་གཙོ་བོ་དེ་ཡིན་པ་རེད།

དབྱར་འབྲུའི་ཐོན་འབབ་འཕར་སྣོན་བྱུང་ཞིང་། ས་ཁུལ་དབྱེ་ནས་བལྟས་ན། དབྱར་འབྲུ་ཐོན་ཁུལ21གི་ཐོན་འབབ་ཅུང་འཕར་བ་དང་། ཧོ་ནན་དུ་ད་ལོ་སླར་གསོའི་རང་བཞིན་གྱི་ཐོན་འཕར་ཏུན་ཁྲི235.6（རྒྱ་མ་དུང་ཕྱུར47.1）འཕར་བ་དེས་རྒྱལ་ཡོངས་ཀྱི་འཕར་ཚད་ཀྱི་བརྒྱ་ཆ65.0བཟུང་ཡོད། ཧྲན་ཏུང་དང་། ཅང་སུའུ། ཨན་ཧུའེ། ཧོ་པེ་སོགས་དབྱར་འབྲུ་ཐོན་ཁུལ་གཙོ་བོ་སོ་སོར་ཏུན་ཁྲི42.4(རྒྱ་མ་དུང་ཕྱུར8.5)དང་། ཏུན་ཁྲི23.3(རྒྱ་མ་དུང་ཕྱུར4.7) ཏུན་ཁྲི18.5(རྒྱ་མ་དུང་ཕྱུར3.7) ཏུན་ཁྲི14.4(རྒྱ་མ་དུང་ཕྱུར2.9)བཅས་ཐོན་འཕར་བྱུང་ཡོད།།

（ མི་དམངས་དྲ་བ་ནས་དྲངས།）