ཉེ་ཆར་ཁུལ་ཨུའི་ཧྲུའུ་ཅི་ཧྲེན་དབྱང་གིས་དར་མདོ་གྲོང་ཁྱེར་དུ་འབྲུབ་འགོག་གནོད་སེལ་དང་ས་གཤིས་གནོད་འཚེ་འགོག་བཅོས། འཚུབ་བསྟུན་དོ་དམ་སོགས་ལས་ཀར་བརྟག་ཞིབ་དང་སྐུལ་ཁྲིད་གནང་བ་རེད། ཁོང་གིས་ནན་གསུང་གནང་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གནོད་འགོག་གནོད་སེལ་གནོད་སྐྱོབ་སྐོར་གྱི་རྣམ་བཤད་གལ་ཆེན་གྱི་དགོངས་དོན་མཐའ་གཅིག་ཏུ་ལག་ལེན་མཐར་ཕྱིན་བསྟར་ཅིང་ཁྱོན་ཡོངས་ནས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཆེན་ཏང་ཨུ་དང་སྲིད་གཞུང་གི་ཐབས་ཇུས་བཀོད་སྒྲིག་དོན་ཐོག་འཁྱོལ་བ། མི་དམངས་དང་ཚེ་སྲོག་གཙིགས་སུ་འཛིན་པ། འཐབ་འཛིང་བསྟུད་མར་བྱེད་པའི་བྱ་སྤྱོད་དར་སྤེལ་བཏང་ནས་ལྷོད་གཡེང་སྤུ་ཙམ་མེད་པས་འབྲུབ་འགོག་གནོད་སེལ་དང་ས་གཤིས་གནོད་འཚེ་འགོག་བཅོས་ལས་ཀ་ཁག་ཡག་མོ་བསྒྲུབ་ཅིང་། ཤུགས་ཡོད་རྒུས་མི་དམངས་མང་ཚོགས་ཀྱི་ཚེ་སྲོག་རྒྱུ་ནོར་ཉེན་མེད་ཡོང་བར་འགན་ལེན་བྱ་དགོས།།