ཉེ་ཆར། གསར་འགོད་པས་ཁུལ་དམག་ཁོངས་ནས་ཕྱིར་འཐེན་པའི་དམག་མིའི་ལས་དོན་ཅུས་ནས་ཤེས་རྟོགས་བྱུང་བར་གཞིགས་ན། བརྒྱད་གཅིག་དམག་འཛུགས་དུས་ཆེན་འཆར་ཉེར་ཡོད་པའི་སྐབས་སུ་དམག་བཀུར་ཁྱིམ་སྐྱོང་གི་སྲོལ་རྒྱུན་བཟང་པོ་སྔར་བས་དར་སྤེལ་གཏོང་ཆེད། དཀར་མཛེས་ཁུལ་རྒྱལ་གཅེས་དམག་བཀུར་མཉམ་འབྲེལ་ལྷན་ཚོགས་ཀྱིས་ཁྱིམ་ཚང་དུ་འཚམས་འདྲི་བྱེད་པའི་བྱེད་སྒོ་སྤེལ་ཏེ། དམག་ཁོངས་ནས་ཕྱིར་འཐེན་བྱས་པའི་དམག་མི་དང་སྔོན་གཤེགས་དཔའ་བོའི་ཁྱིམ་ཚང་ལ་དྲོ་ཁོལ་དང་སེམས་ཁུར་བྱིན་པ་རེད། དེ་ནི་དཀར་མཛེས་ཁུལ་རྒྱལ་གཅེས་དམག་བཀུར་མཉམ་འབྲེལ་ལྷན་ཚོགས་བཙུགས་ཚུན་སྤེལ་བའི་ཁྱིམ་ཚང་དུ་འཚམས་འདྲིའི་བྱེད་སྒོ་སྤེལ་ཐེངས་དང་པོ་རེད།

བྱེད་སྒོར་འཚམས་འདྲི་ཚོ་ཆུང་གི་ཁོངས་མི་ཚོས་དམག་ཁོངས་ནས་ཕྱིར་འཐེན་པའི་དམག་མི་དང་། དམག་འཁྲུག་ནང་ཞུགས་མཁན་དམག་མི་རྒན་པ། སྔོན་གཤེགས་དཔའ་བོའི་ཁྱིམ་མི་བཅས་ཀྱི་ཁྱིམ་དུ་བསྐྱོད་དེ་ཁོང་ཚོར་བྱམས་བརྩེའི་ངང་གླེང་མོལ་བྱས་ཏེ་འཚོ་བའི་གནས་ཚུལ་དང་གཟུགས་པོའི་གནས་ཚུལ། ད་ཡོད་དཀའ་ངལ་བཅས་ལ་རྒྱུས་ལོན་ཞིབ་ཕྲ་བྱས་པར་མ་ཟད། ཁོང་ཚོའི་དམག་དཔུང་གི་གཏམ་རྒྱུད་དང་སྙིང་གཏམ་ལ་ཉན་འཇོག་དང་འབྲེལ་དུས་ཆེན་ལ་སྨོན་འདུན་ཞུས་པ་རེད།།

（ བདེ་སྐྱིད་ཀྱིས་བསྒྱུར།）