དམག་དཔུང་བཙུགས་ནས་ལོ་བརྒྱ་འཁོར་བའི་འབད་འཐབ་དམིགས་ཚད་མངོན་འགྱུར་བྱས་ཏེ་རྒྱལ་སྲུང་དང་དམག་དཔུང་

དེང་རབས་ཅན་གྱི་རྣམ་པ་གསར་པ་གཏོད་དགོས།

（ པར་ངོས་དང་པོར་མཐུད།）རྩོམ་ཡིག་ནང་བསྟན་དོན། མི་དམངས་དམག་དཔུང་གི་ཏང་འཛུགས་སྐྱོང་ལ་ཕྱོགས་ཡོངས་ནས་ཤུགས་སྣོན་བརྒྱབ་སྟེ་དམག་དཔུང་གིས་ནམ་ཡང་ཏང་གི་བཀོད་འདོམས་ལ་ཉན་པའི་འགན་ལེན་བྱེད་དགོས། དམག་སྦྱོང་དང་དམག་གྲབས་ལ་ཕྱོགས་ཡོངས་ནས་ཤུགས་སྣོན་བརྒྱབ་སྟེ་་མི་དམངས་དམག་དཔུང་གི་རྒྱལ་ཁ་ལེན་པའི་ནུས་པ་ཆེ་རུ་གཏོང་དགོས། དམག་དོན་བཅོས་སྐྱོང་ལ་ཕྱོགས་ཡོངས་ནས་ཤུགས་སྣོན་རྒྱག་པ་དང་། རྒྱལ་སྲུང་དང་དམག་དཔུང་སྒྱུར་བཅོས་ཀྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་བ། དམག་དོན་སྟོབས་ཤུགས་ཀྱི་གྲུབ་ཚུལ་ལེགས་སྒྲིག་འཐུས་སྒོ་ཚང་དུ་གཏོང་བ། དམག་དོན་སྲིད་ཇུས་ཀྱི་ལམ་ལུགས་གོ་རིམ་ལྡན་པའི་སྒོ་ནས་ལེགས་སྒྱུར་བཅས་བྱེད་དགོས། གཞི་གཅིག་ཅན་གྱི་རྒྱལ་ཁབ་ཀྱི་འཐབ་ཇུས་མ་ལག་དང་ནུས་པ་སྲ་བརྟན་དང་ཆེ་རུ་གཏོང་དགོས།

རྩོམ་ཡིག་ནང་ནན་བཤད་བྱས་དོན། མི་དམངས་དམག་དཔུང་ནི་ཐོག་མཐའ་བར་གསུམ་དུ་ཏང་དང་མི་དམངས་ཀྱིས་རྦད་དེ་ཡིད་ཆེས་བྱེད་ཆོག་པའི་དཔའ་བོའི་དམག་དཔུང་ཞིག་ཡིན་་པས། རྒྱལ་ཁབ་ཀྱི་བདག་དབང་དང་། གཅིག་གྱུར། མངའ་ཁོངས་ཆ་ཚང་བཅས་ལ་སྲུང་སྐྱོང་བྱེད་པའི་སེམས་ཤུགས་དང་འཇོན་ཐང་ལྡན་ཡོད་་ལ་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་ཡོང་བར་འཐབ་ཇུས་ཀྱི་འདེགས་སྐྱོར་མཁོ་འདོན་བྱེད་པའི་སེམས་ཤུགས་དང་འཇོན་ཐང་དང་། འཛམ་གླིང་ཞི་བདེ་དང་འཕེལ་རྒྱས་ལ་ལེགས་སྐྱེས་དེ་བས་ཆེ་བ་འབུལ་བའི་སེམས་ཤུགས་དང་འཇོན་ཐང་ཡང་ལྡན་ཡོད།།

( མི་དམངས་ཉིན་རེའི་ཚགས་པར་ནས་དྲངས།)