ཉི་གྲིབ་ཀྱི་སྲུབས་མ་སྒོ་འགྲམ་གྱི་སྤོ་ཐེམ་
དུ་ལྷུང་ཚེ།
མོ་རྒྱུ་མཚན་མེད་པར་སྐྱོ་ཞིང་།
གནས་ལུགས་མེད་པར་བགད།
ཐ་མག་རྐང་གཅིག་དམར་ཞིང་སྣུམ་པའི་
མཆུ་སྒྲོས་སུ་སྦྱར་ཚེ།
མོས་ད་ལྟ་མཚོན་བྱེད་ཀྱི་འཛུམ་
མདངས་བསྟན།
དེ་ལྟར། མོ་རང་ཉིད་ཀྱི་ཞིང་
གྲོང་ནས་བགད།
བར་སྣང་འདི་ན་བགྲོད་ལམ་གྱི་བཀྲ་
རིས་ཡོད།
ཐག་རིང་དུ་འཐེན་པའི་སྣང་མུན་
གྱི་བཤུལ་ལམ་ཡོད།
ཆུང་དུས་ཀྱི་རེག་ཟིག་དང་རས་ཀྱི་ཨོ་
ལོ་ཡོད།
འཕགས་མ་སྒྲོལ་མའི་སྤྱན་གྱི་གློག་དང་
ཐུགས་ཀྱི་དྲ་བ་ཡོད།
གལ་ཏེ། གཅོམ་བསྐྱུངས་དང་སྡོམ་
གཅུན་མེད་ན།
གལ་ཏེ། ལས་འབྲས་དང་བར་
ཐག་མེད་ན།
རང་དབང་གི་བར་ནང་འདི་རུ་
སྐྱོ་ངལ་ཡོད་དམ།
རྒྱང་རིང་དང་འགྲུལ་བཞུད་གཉིས་
ལ་བསྣོལ་མཚམས་ཡོད་དམ།
ས་སྲོད་ཀྱི་སྨུག་པ་གཞིས་ཁུལ་དུ་འཚང་།
ཁོ་མོས་རང་ཉིད་པགས་པ་ལྟར་བཀྲམ།
ལུས་ཀྱི་བུ་ག་རེས་རྨི་ལམ་རེ་རེ་རྨིས།
ཁྱོ་ག་མ་ལོག་གོང་དུ་ཐག་རིང་ཐག་
རིང་དུ་ལོག།
༼ བུ་ཡུག། ༽