ཉི་མའི་ཟེར་བརྒྱ་གླིང་ལ་འཐོར།།
ས་ཆེན་པང་ལ་བྱིན་རླབས་སྨིན།།
རླུང་བུ་རེ་ལ་བྱམས་བརྩེས་ཁེངས།།
མེ་ཏོག་རེ་ལ་སྙིང་རྗེ་འཛུམ།།
འཁོར་བའི་སྙན་པ་ཁྱོད་ལ་འཛུམ།།
ཆར་གྱི་དངོས་གྲུབ་ཡུལ་ལ་ཐོབ།།
འདབ་བརྒྱད་ས་ལ་རྩི་ཏོག་འཁྲུངས།།
གཙང་པོའི་ཆུ་ལ་གླུ་སྐད་འཁོར།།
ཟིལ་བའི་ནང་ལ་བདུད་རྩི་འཁྱིལ།།
སྣང་བའི་འཛུམ་ཆུང་ཁྱོད་ལ་ཤར།།
འཇའ་ཡི་ཁ་རྒྱན་རི་ལ་འཐེན།།
རྫ་ཡི་རི་དྭགས་རླུང་ལ་འདྲོགས།།
དགའ་ལྡན་ནགས་ལ་བྱ་བརྒྱ་འཁོར།།
སེམས་ཀྱི་ཕྱག་ཟུང་སྤང་ལ་འཁྱུད།།
ལས་ཀྱི་མཚར་སྡུག་ཁྱོད་ལ་བཞད།།
༼ ལོ་ཤུལ་བཀྲ་ནོར། ༽