ཉེ་ཆར། སྡེ་དགེ་རྫོང་གླིང་གེ་སར་རྒྱལ་པོའི་རོལ་དབྱངས་དུས་ཚིགས་སྐབས་དང་པོ་ལས་གླིང་གེ་སར་རྒྱལ་པོའི་རོལ་དབྱངས་ཟློས་གར་ཐོག་མ་དེ་སྡེ་དགེ་རྫོང་ཁམས་པའི་རིག་གནས་བཤམས་སྟོན་གླིང་དུ་འཁྲབ་སྟོན་བྱས་པ་རེད།
རོལ་དབྱངས་ཟློས་གར་དེ་ནི་བོད་ཀྱི་གླུ་པ་གྲགས་ཅན་ཡ་དུང་གིས་འཁྲབ་ཁྲིད་བྱས་པ་དང་། ས་གནས་དེ་གའི་འཁྲབ་སྟོན་པ་དང་སྒྲུང་པ། དམངས་ཁྲོད་སྒྱུ་རྩལ་པ། སློབ་མ་སོགས་མི་སྣ་བརྒྱ་ལྷག་ཞུགས་ཤིང་། སྙན་ཞིང་འཇེབས་པའི་རོལ་དབྱངས་དང་གསོན་ཉམས་དོད་པའི་འཁྲབ་རྩལ་སོགས་ལ་བརྟེན་ནས་དཔའ་བོའི་ལོ་རྒྱུས་སྙན་རྩོམ་རིང་མོ་དེ་གར་སྟེགས་སུ་འཁྲབ་སྟོན་བྱས་པ་དང་། དེ་བཞིན་ཁམས་སྡེ་དགེ་ནས་འཚར་ལོངས་བྱུང་བའི་གླུ་པ་ཡ་དུང་དང་འཇམ་དབྱངས་སྒྲོལ་མ། ཚེ་དབང་གསུམ་གྱིས་གླིང་གེ་སར་རྒྱལ་པོའི་རོལ་དབྱངས་ཟློས་གར་གྱི་གཙོ་དོན་གླུ་དབྱངས《ཁྱེད་འཚོལ་བ། གེ་སར་རྒྱལ་པོ།》ཞེས་པ་བླངས་པས། རྒྱ་ཆེ་བའི་ལྟད་མོ་བའི་ཡིད་སེམས་དབང་མེད་དུ་བཀུག་ཡོད།
( སྡེ་དགེ་འཕྲིན་སྦྱོར་ཀུན་འདུས་ལྟེ་གནས་ཀྱིས་པར་སྤྲད།)