སྤྱི་ཟླ8པའི་ཚེས30ཉིན། ཁུལ་ཨུའི་ཧྲུའུ་ཅི་ཧྲེན་དབྱང་གི་མངགས་བཅོལ་ལྟར། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཡིས་རང་ཁུལ་གྱིས2024ལོའི་དུས་བདེ་འཛུགས་སྐྱོང་དང་གཙོ་གནད་ལས་དོན་གྱི་འཆར་ཅན་ཚོགས་འདུ་ཐེངས8པ་གཙོ་སྐྱོང་གནང་བ་དང་གཙོ་གནད་ལས་དོན་ལ་བཀོད་སྒྲིག་བྱས་པ་རེད།

ཁུལ་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་ཧྲུའུ་ཏ་ཁྲོན་དང་། ཁུལ་ཨུའི་ཧྲུའུ་ཅི་གཞོན་པ་ཏེང་ལི་ཅུན། ཁུལ་ཨུའི་ཧྲུའུ་ཅི་གཞོན་པ། ཁུལ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀྲང་ཐུང་རུང་བཅས་ཚོགས་འདུར་ཞུགས་པ་རེད།

ཧྥུང་ཧྥ་ཀུའེ་ཡིས་ཟླ་བ8པ་ནས་བཟུང་། ཁུལ་ཡོངས་ཀྱི་གོང་འོག་ཚང་མས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྙིང་དོན་མཐའ་གཅིག་ཏུ་སློབ་སྦྱོང་དང་ལག་ལེན་བསྟར་ཏེ། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཆེན་དང་ཁུལ་བཅས་ཀྱི་ཐབས་ཇུས་བཀོད་སྒྲིག་ཁག་ཁྱོན་ཡོངས་ནས་དོན་ལ་འཁྱོལ་ཏེ་དཔལ་འབྱོར་འགྲན་གཉེར་དང་། གནོད་འཚེ་དང་ལས་འཛོལ་སྔོན་འགོག། བརྟན་བརླིང་དང་སྐྱེ་ཁམས། དམངས་འཚོ་འགན་སྲུང་བཅས་ལ་སྐུལ་འདེད་ཏན་ཏིག་བཏང་བས་རྒྱུན་གཏན་གྱི་གཙོ་གནད་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་ཡོད་ཞེས་གསུངས་པ་རེད།

ཧྥུང་ཧྥ་ཀུའེ་ཡིས་ནན་གསུང་གནང་དོན། སྤྱི་ཟླ9པ་ནི་སློབ་སྐབས་གསར་པའི་སློབ་འགོ་ཚུགས་པའི་ཟླ་བ་དང་། ཟླ་མཆོད་དུས་ཆེན་དང་རྒྱལ་སྟོན་དུས་ཆེན་གྱི་གུང་གསེང་ཟླ་བ་དང་། ཁོར་ཡུག་སྲུང་སྐྱོང་ལྟ་ཞིབ་དང་ལེན་ཞུ་བའི་ཟླ་བ། དུས་ཚིགས་གསུམ་པའི་ཕྱོགས་བསྡོམས་ཀྱི་དུས་མཇུག་གི་ཟླ་བ་བཅས་ཡིན་པས། ས་གནས་ཁག་དང་སྡེ་ཚན་ཁག་གིས་གཅིག་ནས་དམིགས་ཡུལ་ཡོད་པའི་སྒོ་ནས་གཙོ་གནད་ལས་དོན་ཁག་གཅིག་གྱུར་གྱིས་དམ་འཛིན་ཡག་པོ་བྱ་དགོས་པ་དང་། གཉིས་ནས་གཞི་རིམ་གྱི་ཁུར་པོ་ཡང་དུ་གཏང་རྒྱུར་དམ་འཛིན་ཡག་པོ་བྱ་དགོས། གསུམ་ནས་དཔལ་འབྱོར་འཕེལ་རྒྱས་དམ་འཛིན་ཡག་པོ་བྱ་དགོས། བཞི་ནས་དམངས་འཚོ་ལེགས་བཅོས་ཡག་པོ་བྱ་དགོས། ལྔ་ནས་གནད་དོན་དག་ཐེར་ཡག་པོ་བྱ་དགོས། དྲུག་ནས་ཉེན་མེད་བརྟན་བརླིང་ཡོང་བ་དམ་འཛིན་ཡག་པོ་བྱ་དགོས།།

（ བདེ་སྐྱིད་ཀྱིས་བསྒྱུར།）