（ པར་ངོས་དང་པོར་མཐུད།）

ཁུལ་ཨུའི་ཧྲུའུ་ཅི་གཞོན་པ། སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀྲང་ཐུང་རུང་གྲོས་ཚོགས་སུ་ཞུགས་ཡོད།

གྲོས་ཚོགས་སུ། སྡེ་དགེ་དང་སེར་ཤུལ་རྫོང་ཨུ། ཁུལ་སློབ་གསོ་ལུས་རྩལ་ཅུས་ཀྱི་འགན་འཁུར་བ་གཙོ་བོ་བཅས་ཀྱིས་སྙན་སེང་ཞུས་པ་དང་། སྡེ་དགེ་རྫོང་རྫོགས་ཆེན་གྲོང་རྡལ་དང་། དབོན་པོ་སྟོད་ཡུལ་ཤོག། ཉ་འགུག་ཡུལ་ཤོག། སེར་ཤུལ་རྫོང་དབོན་པོ་ཡུལ་ཤོག་དང་། འབུམ་རྙིང་གྲོང་རྡལ། སེར་ཤུལ་གྲོང་རྡལ་བཅས་ཀྱི་ཏང་ཨུའི་ཧྲུའུ་ཅིས་གཏམ་བཤད་བྱས་ཤིང་། ཚོགས་ཞུགས་མགོ་ཁྲིད་ཀྱིས་ཡུལ་དངོས་སུ་འཐེན་ཞིབ་དང་ལས་དོན་དཔྱད་སྟོན་གནང་བ་རེད། ཚང་མའི་གཏམ་བཤད་ལ་གསན་རྗེས། ཧྲེན་དབྱང་གིས་བསྟན་དོན། ཉེ་བའི་ལོ་ཤས་རིང་སྡེ་དགེ་དང་སེར་ཤུལ་རྫོང་གཉིས་རང་རྟོགས་ངང་དུས་རབས་གསར་པའི་ཏང་གི་མང་ཚོགས་ལམ་ཕྱོགས་སུ་ཡག་པོར་བསྐྱོད་པ་དང་། མི་རིགས་མཐུན་སྒྲིལ་ཁྱིམ་ཚང་དང་དགོན་པར་སྤེལ་བའི་ལག་ལེན་བྱ་སྤྱོད་ཧུར་ཐག་སྤེལ་བ། ལས་བྱེད་པ་དང་དགོན་པའི་གྲྭ་བཙུན། ལས་བྱེད་པ་དང་ཆོས་དད་མང་ཚོགས་བར་མཐུན་འབྲེལ་གྲོགས་འབྲེལ་ཆགས་པའི་ལམ་སྲོལ་རྒྱུན་མཐུད་དེ་ཟབ་སྤེལ་རྒྱ་སྐྱེད་དུ་གཏོང་བ་དང་། ཏང་དང་ཆོས་ལུགས་ལས་རིགས་ཀྱི་རྒྱལ་གཅེས་གཅིག་གྱུར་འཐབ་ཕྱོགས་རྒྱུན་ཆད་མེད་པར་སྲ་བརྟན་གོང་འཕེལ་སོང་ཞིང་། ཆོས་དད་མང་ཚོགས་རྒྱ་ཆེན་གྱི་མི་སེམས་དང་སྟོབས་ཤུགས་གཅིག་ཏུ་བསྒྲིལ་ཡོད། དེ་དང་མཉམ་དུ་ད་སྔར་ཆོས་ལུགས་ལས་དོན་ཐད་ད་དུང་གནད་དོན་དང་འགྲན་སློང་དུ་མ་འཕྲད་ཀྱི་ཡོད་པ་རིག་པ་དྭངས་གསལ་གྱི་སྒོ་ནས་ངོས་འཛིན་བྱ་དགོས། རིམ་ཁག་དང་སྡེ་ཁག་གིས་ཏང་གིས་ཆོས་ལུགས་ལས་དོན་ལ་འགོ་ཁྲིད་པ་མཐའ་གཅིག་ཏུ་རྒྱུན་འཁྱོང་དགོས་ཤིང་། ཆོས་ལུགས་ལས་དོན་ཡག་པོ་སྒྲུབ་པའི་ཆེས་གལ་ཆེན་རང་བཞིན་ལ་ངོས་འཛིན་ཟབ་མོར་བྱེད་ཅིང་། ཆོས་ལུགས་ལས་དོན་གྱི་དུས་ཡུན་རིང་པོའི་རང་བཞིན་དང་མང་ཚོགས་རང་བཞིན། མི་རིགས་རང་བཞིན། རྙོག་དྲ་རང་བཞིན་བཅས་ལ་གོ་བ་བྱང་ཆབ་པར་ལོན་པ། འབྲེལ་བ་གལ་ཆེན་ལྔ་ལ་སྟངས་འཛིན་གནད་ཐིག་པོ་བྱེད་པ། མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་མཐའ་གཅིག་ཏུ་སྲུང་བ། བབ་བསྟུན་སྣེ་ཁྲིད་དང་ཕྱོགས་བསྡུས་ཇུས་བསྟར། རྩ་ལག་མཉམ་འཛིན། རྨང་གཞི་བརྟན་གཏོང་བཅས་བྱས་ཏེ། ཁུལ་ཡོངས་ཡུན་རིང་བདེ་འགོད་ཡོང་བ་དང་དཔལ་འབྱོར་སྤྱི་ཚོགས་འཕེལ་རྒྱས་སྤུས་ཚད་མཐོན་པོར་ཡོང་བར་སྤྱི་ཚོགས་ཀྱི་ཁོར་ཡུག་བཟང་པོ་བསྐྲུན་དགོས།

རྩ་དོན་ཁོང་དུ་གནད་སྨིན་ཆུད་ནས་ཐབས་ཇུས་སྤྱད་དེ། མཐུན་སྒྲིལ་ཆེན་མོ་དང་མཉམ་འབྲེལ་ཆེན་མོ་ཡོང་བར་འབད་དགོས། སྣེ་ཁྲིད་ཀྱི་ཁྲོད་དུ་མཐུན་སྒྲིལ་སྲ་བརྟན་དུ་གཏང་དགོས། དོ་དམ་གྱི་ཁྲོད་དུ་མཐུན་སྒྲིལ་ཡོང་བར་བྱ་དགོས། འཐབ་རྩོད་ཀྱི་ཁྲོད་དུ་མཐུན་སྒྲིལ་ཡོང་བར་བྱ་དགོས། ཞབས་ཞུའི་ཁྲོད་དུ་མཐུན་སྒྲིལ་རྒྱ་བསྐྱེད་གཏང་དགོས་ཞེས་བླངས་བྱ་བཏོན་གནང་བ་རེད།

ཧྲེན་དབྱང་གིས་ཆོས་ལུགས་ལས་དོན་གྱི་འགན་འཁྲི་ཕྲག་ཏུ་ཁུར་ནས་རྒྱ་ཆེ་བའི་ཆོས་དད་མང་ཚོགས་ལ་མཐུན་སྒྲིལ་དང་སྣེ་ཁྲིད་བྱེད་པའི་བྱ་སྤྱོད་ཀྱི་རང་རྟོགས་ཆེ་རུ་བཏང་སྟེ། འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་བ་དང་ལས་ཀའི་རྨང་གཞི་བརྟན་དུ་གཏོང་བ། བཅོས་སྐྱོང་གི་རྣམ་པ་འཐུས་ཚང་དུ་གཏོང་བ་བཅས་བྱ་དགོས་ཞེས་ནན་གསུང་གནང་།

གྲོས་ཚོགས་ཀྱི་སྔོན་ལ། ཧྲེན་དབྱང་ད་དུང་སེར་ཤུལ་རྫོང་ལོ་ཕྱུག་གྲོང་རྡལ་སྒྲོལ་མ་ལྷ་ཁང་ཇོ་མོའི་ས་ཚུགས་དང་། སེར་ཤུལ་གྲོང་རྡལ་སེར་ཤུལ་དགོན། སྡེ་དགེ་རྫོང་དགོན་ཆེན་གྲོང་རྡལ་དགོན་ཆེན་དགོན་དང་འཁོར་ལོ་མདོ་ཡུལ་ཤོག་འཁོར་མདོ་དགོན་བཅས་སུ་དགོན་པའི་དོ་དམ་ལས་དོན་ལ་བརྟག་ཞིབ་ཏུ་ཕེབས་པ་རེད།། （ ལྷ་འཛོམས་ཀྱིས་བསྒྱུར།）