ཡར་ཀླུང་ཕྱོགས་ཀྱི་ལྷ་ཆུ།།
ཧུབ་གང་འཐུང་ན་བསམ་བྱུང་།།
བརྩེ་འདང་ཆེ་བས་རེད་དམ།།
བཀྲེས་སྐོམ་ཆེ་བས་ཡིན་ནམ།།
སྟོད་ཀྱི་གངས་དཀར་རི་བོ།།
ཐེངས་གཅིག་འཇལ་ན་འདོད་བྱུང་།།
བྱིན་རླབས་ཆེ་བས་རེད་དམ།།
སྔོན་གྱིས་ལས་འཕྲོས་ཡིན་ནམ།།
གཙང་པོ་ཐོར་གྱིས་བཞུར་ཡང་།།
ཉ་མོ་རྙི་ལ་ཚུད་འདུག།
གཞས་ཤིག་གཏང་རྒྱུ་བརྗེད་སོང་།།
སྒུག་འདོད་ཟེར་སྙིང་མ་བྱུང་།།
དབུས་གཙང་ཡུལ་གྱི་ནས་ཆང་།།
ལན་གཅིག་བཞེས་འདོད་བྱུང་སོང་།།
གཞན་ལ་ནས་ཆང་ཡོད་ཀྱང་།།
བཞེས་འདོད་སེམས་ལ་མི་འདུག།
སྤྲེལ་སྲིན་ཕོ་མོའི་གཏམ་རྒྱུད།།
ཐོས་པའི་རེ་སྐུལ་ཆེ་བས།།
དབེན་གསུམ་རི་ངོགས་བརྒྱུད་ནས།།
དཀའ་སྡུག་བརྒྱུད་ནས་ཐོས་འདོད།།
སྨྲེང་བའི་གསང་ལམ་བརྒྱུད་ནས།།
རྨི་ལམ་ནང་གི་ལྷ་ལ།།
གཞས་ཤིག་གཏང་འདོད་བྱུང་ཡང་།།
རླུང་ནག་ཅིག་གིས་བཅད་སོང་།།