ཆུ་བོ་གཞོང་པ་ལྷ་ཆུ།།
སྟོད་ཕྱོགས་ཡུལ་གྱི་ཆུ་རེད།།
ང་ཡིས་ཁྱེད་ལ་གནང་ན།།
ཁྱོད་ཀྱིས་ལན་གཅིག་བཞེས་དང་།།
བྱིན་རླབས་ཟེར་ན་མི་ཤེས།།
བརྩེ་འདང་ཅན་གྱི་ཆུ་ཡིན།།
སྟོད་གཞས་པད་སྒྲོན་སྐྱོ་གླུ།།
ང་ཡིས་ཁྱོད་ལ་བླངས་ན།།
ལྕང་ལོའི་མདུད་པ་བཀྲོལ་ནས།།
གཙང་པོ་འཁྱོམ་པའི་འགྲམ་ནས།།
ཐེངས་གཅིག་གསན་པ་གནོངས་དང་།།
འཁོར་བའི་ཐང་ཆེན་བརྒལ་ནས།།
འགྲོ་འདོད་སེམས་ལ་ཟེགས་འོང་།།
སྨད་ཀྱི་གོས་ཕྲུག་སྣམ་བུ།།
ང་ཡི་ཁྱོད་ལ་ཉོས་ན།།
ཡག་གིས་ཤོམ་ཆེན་བརྒྱབ་ནས།།
ཆུ་བཞི་སྒང་དྲུག་ཉུལ་དང།།
ཉ་མོ་རྙི་ལ་ཚུད་པ།།
རྒྱ་སྟག་བག་ལ་ཞ་བ།།
ངུ་སྐད་བསྣམ་ཁུལ་བྱོས་དང་།།