དཀར་མཛེས་ཁུལ་རོང་བྲག་རྫོང་དུ་དར་ཁྱབ་ཆེ་བའི་རྒྱལ་རོང་གི་འཚེམ་དྲུབ་ནི་ཐུན་མིན་གྱི་ཁྱད་ཆོས་ལྡན་པའི་བོད་ཀྱི་དམངས་ཁྲོད་བཟོ་རྩལ་རིག་གནས་ཤིག་ཡིན། རྒྱལ་རོང་འཚེམ་དྲུབ་ཀྱི་རི་མོ་ཧ་ཅང་ཞིབ་ཚགས་ཡིན་པ་དང་། གཙོ་བོ་བག་རས་དང་པང་ཁེབས་ཀྱི་ངོས་སུ་མེ་ཏོག་སོགས་མཛེས་རིས་སྣ་མང་འཚེམ་བཞིན་ཡོད།ཚོན་མདོག་སྣ་ལྔས་བརྒྱན་པའི་འཚེམ་དྲུབ་ཀྱི་གྱོན་ཆས་འདི་དག་གིས་མིག་དབང་འཕྲོག་ཅིང་ཡིད་དུ་འོང་བ་དང་།དེ་ལ་འཚོ་བའི་ཉམས་འགྱུར་ཟབ་ཅིང་བཀོལ་སྤྱོད་རང་བཞིན་དང་སྒྱུ་རྩལ་གྱི་རིན་ཐང་ལྡན་པའི་གཟུགས་མེད་རིག་གནས་ཤུལ་བཞག་ཅིག་ཡིན་ནོ།།
བག་རས་འཚེམ་དྲུབ་མ་གྱོན་པའི་རྒྱལ་རོང་བུད་མེད་ཚོས་རྫོང་མཁར་གྱི་བྱེད་སྒོར་ཞུགས་བཞིན་པ།