ང་རང་མཚན་མོར་དགའ་དོན།
མཚན་མོ་ནི་ལྷིང་འཇགས་ཡིན་པས་
མ་ཡིན།
ང་རང་མཚན་མོར་དགའ་བ་ནི།
མཚན་མོའི་དཔེ་ཀློག་ལ་དགའ་བས་ཡིན།
ང་རང་མཚན་མོའི་སྒེའུ་ཁུང་ལ་དགའ།
དོན་དངོས་སུ་སྒེའུ་ཁུང་ཕྱི་ཡི་ཆར་པ་
ལ་དགའ།
ཆར་པའི“ཤག་ཤག”གི་ཆིག་ལབ་
ཁྲོད་ནས།
ངས་སྙན་ངག་ཁ་ཤས་སེམས་གཏམ་
དང་འདྲ་བར་ལྷུག་པོར་བརྗོད་ཆོག།
ང་རང་མཚན་མོ་དེའི་རླུང་བུ་ལ་དགའ།
རླུང་བུར་དགའ་དོན་གཞན་ཞིག་ཡོད་པ་
མ་ཡིན་ཏེ།
རླུང་བུས་དལ་ལྷོད་དུ་གཡོ་བའི་སྐྲ་
ལོར་དགའ།
རླུང་བུ་འཇམ་ལྷོད་ངང་གཡོ་བའི་
དུས་ངས་སྐྲ་ལོ་གཞན་ཞིག་འབྲི་ཆོག།
ང་རང་མཚན་མོ་དེའི་ཟླ་བར་དགའ།
ཟླ་བ་ལ་དགའ་དགོས་རྒྱུ་གཏན་
ནས་མེད་ཀྱང་།
རྣ་འཇགས་སུ་སོང་བའི་ཟླ་བ་སྒྲོལ་
མར་དགའ།
ཟླ་འོད་ཀྱིས་སྤྲིན་ཕུང་འབིགས་རྗེས་
ངས་ཡང་བསྐྱར་ཟླ་བ་སྒྲོལ་མ་དྲན་ཆོག།
ང་རང་མཚན་མོ་དེའི་སྐར་མ་ལ་དགའ།
མ་གཞི་སྐར་མ་ཐག་རིང་བས་དགའ་
དོན་ཞིག་གཏན་ནས་མེད་ཀྱང་།
སྐར་མ་ལ་མཐུད་པའི་གཏམ་རྒྱུད་ནི་
ཨ་མའི་གཏམ་རྒྱུད་ཡིན་པས།
སྐར་མ་གཉིད་དུ་ཡུར་མེད་ཚེ་ངས་ད་
དུང་གཏམ་རྒྱུད་ཉོན་བཞིན་ཡོད།
༼ ནག་ཤོད་ང་རོའི་འཚེར་སྒྲ། ༽