གསར་འགོད་པས་ཀྲུང་གུང་བྲག་མགོ་རྫོང་ཨུ་དྲིལ་བསྒྲགས་པུའུ་ནས་ཤེས་རྟོགས་བྱུང་བར་གཞིགས་ན། ཉེ་ཆར་བྲག་མགོ་རྫོང་གིས་དར་མདོ་གྲོང་ཁྱེར་མཛའ་གཞས་ཐང་ཆེན་དུ་དུས་བྱ་གནས་སྤོ་དུས་འགྲུལ་དང་པར་རིས་འོག་གི་སྐྱེ་ཁམས་སྲུང་སྐྱོང་ཞེས་པའི་དུས་བྱ་པར་ལེན་འགྲེམ་སྟོན་བྱེད་སྒོ་སྤེལ་བ་རེད། བྱེད་སྒོ་དེ་ནི་པར་ལེན་མཁས་ཅན་གྱིས་པར་ཆས་ལ་བརྟེན་ནས་དུས་བྱ་གནས་སྤོའི་སྐད་ཅིག་མ་ལེན་པ་དང་། བྲག་མགོ་རྫོང་གི་ཐུན་མོང་མ་ཡིན་པའི་སྐྱེ་ཁམས་ཁོར་ཡུག་དང་ཕུན་སུམ་ཚོགས་པའི་སྐྱེ་དངོས་སྣ་མང་རང་བཞིན་མངོན་ཡོད་ཅིང་། སྐྱེ་ཁམས་ཡུལ་སྐོར་འཕེལ་རྒྱས་ལ་སྔར་བས་བསྐུལ་ཏེ་སྤྱི་དམངས་ཀྱི་སྐྱེ་ཁམས་སྲུང་སྐྱོང་འདུ་ཤེས་ཇེ་དྲག་ཏུ་བཏང་བ་རེད།
དཔྱད་གཞིའི་ཡིག་ཆ་ལས་ངོ་སྤྲོད་བྱས་པ་ལྟར་ན། བྲག་མགོ་རྫོང་གིས་ས་བབ་དམའ་ཞིང་གནམ་གཤིས་ཀྱི་དྲོ་གྲང་ཆ་སྙོམས་པས་འདབ་ཆགས་རིགས་མང་པོ་འཚོ་གནས་བྱེད་ས་དང་གནས་སྤོ་ངལ་གསོ་རྒྱག་ས། སྐྱེ་འཕེལ་བྱེད་ཡུལ་བཅས་ཀྱི་གནས་མཆོག་ཅིག་ཏུ་གྱུར་ཡོད། ལྷག་པར་དུ་ཤེ་ཆུ་རྒྱལ་ཁབ་འདམ་རའི་སྤྱི་གླིང་དེ་ཁྲུང་ཁྲུང་སྐེ་ནག་སོགས་རྒྱང་རིང་དུ་གནས་སྤོ་བའི་འདབ་ཆགས་རིགས་ངེས་པར་བསྐྱོད་དགོས་པའི་ས་ཆ་དང་ངལ་གསོ་རྒྱག་ས་ཡིན་ཞིང་། འདབ་ཆགས་རིགས་འབོར་ཆེན་ཞིག་དེ་གར་འཚོ་གནས་དང་སྐྱེ་འཕེལ་བྱེད་ཀྱི་ཡོད། ཉེ་བའི་ལོ་ཤས་རིང་། སྐྱེ་ཁམས་ཁོར་ཡུག་རྒྱུན་ཆད་མེད་པར་ལེགས་སུ་ཕྱིན་པ་དང་བསྟུན་ནས་བྲག་མགོ་རྫོང་གི་འདབ་ཆགས་རིགས་ཀྱི་གྲངས་འབོར་ཡང་མང་དུ་འགྲོ་བཞིན་ཡོད་པ་རེད།། （ བདེ་ཆེན་གྱིས་བསྒྱུར།）