སྤྱི་ཟླ11ཚེས20ཉིན། དཀར་མཛེས་ཁུལ་གྱི་ཝུའེ་ལའེ་རབ4པའི་གློག་རྗེས་ཁང་དང་པོ་དེ་རྒྱལ་ལམ318ལམ་ཐིག་གི་ར་རྔ་ཁའི་ཞབས་ཞུ་ཁུལ་དུ་སྤྱོད་འགོ་ཚུགས་ཤིང་། ནུས་རྒྱུ་གསར་པའི་རླངས་འཁོར་གྱི་བདག་པོ་ཁག་གཅིག་གིས་དུས་ཡུན་སྐར་མ་གསུམ་ལ་གློག་རྫས་བརྗེས་ནས་འགྲོ་ཆོག་པས་འགྲུལ་བསྐྱོད་ལ་སྟབས་བདེར་བསྐྲུན་ཡོད།

2023ལོའི་ཟླ་བ9པར་སི་ཁྲོན་གྱིས་ཁྲོན་བོད་ལྷོ་རྒྱུད་གཞུང་ལམ་ལི་ཐང་ནས་འདབ་པའི་ཉི་སྟེན་བར་གྱི་གཞུང་ལམ་ཞབས་ཞུའི་སྒྲིག་བཀོད་འཛུགས་སྐྲུན་ལས་གྲྭ་ཕྱོགས་ཡོངས་ནས་སྤེལ་འགོ་བཙུགས་པ་རེད། འཆར་འགོད་ལྟར་ན། དཀར་མཛེས་ཁུལ་གྱི་ས་ཁོངས་ནང་གཙོ་དོན་ཞབས་ཞུ་ཁུལ5དང་། གཙོ་གནད་ཞབས་ཞུ་ཁུལ9དང་། ཁ་གསབ་ཞབས་ཞུའི་ས་ཚུགས་མང་པོ་བཅས་བསྐྲུན་ནས་རྒྱལ་ལམ318ལམ་ཐིག་ལ་འདེགས་སྐྱོར་བྱས་ཏེ་འཛམ་གླིང་ཐོག་གི་ཆེས་མཛེས་ཤོས་ཀྱི་མཛེས་ལྗོངས་ལམ་ཆེན་གཏོད་རྒྱུ་ཡིན་པ་རེད།

རྒྱལ་ལམ318ལམ་ཐིག་ར་རྔ་ཁའི“པར་ལེན་ཞིང་ཁམས”ཀྱི་གཙོ་དོན་ཞབས་ཞུ་ཁུལ་ནི་དར་མདོ་གྲོང་ཁྱེར་ར་རྔ་ཁའི་གྲོང་རྡལ་ཨ་ཉག་གྲོང་དུ་གནས་པ་དང་། ས་ཁྱོན་མུའུ46.8དང་འཛུགས་སྐྲུན་རྒྱ་ཁྱོན་སྨི་ངོས་གྲུ་མ6806.95ལ་ཟིན་པ་རེད། དཀར་མཛེས་ཁུལ་གྱི་མངའ་ཁོངས་སུ་གཞུང་ལམ་ཞབས་འདེགས་ཞུ་ཁུལ་ཆེ་ཤོས་ཡིན་པའི་ངོས་ནས་དེ་གར་སྤུས་ཚད་མཐོ་བའི་གློག་གསོག་རྨང་གཞིའི་སྒྲིག་ཆས་དྲངས་ཡོད་པས“སྐར་ཆ་རེར་སྤྱི་ལེ་རེའི”ནུས་གསབ་མྱུར་ཚད་མགྱོགས་ཤོས་མངོན་འགྱུར་བྱུང་ནས་ནུས་རྒྱུ་གསར་པའི་རླངས་འཁོར་གྱི་གློག་གསོག་དཀའ་བའི་གནད་དོན་སེལ་ཐུབ་རྒྱུ་རེད།།

( ལྷ་འཛོམས་ཀྱིས་བསྒྱུར།)