ཉེ་ཆར། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཡིས་དཀར་མཛེས་ཁུལ་དུ་ལྷད་མེད་སྐྱེ་ལྡན་ཁུལ་བསྐྲུན་རྒྱུ་དང་གནག་ཕྱུགས་དང་བོད་ཕག། རྒུན་འབྲུམ་ཨ་རག་གི་ཐོན་ལས་འཕེལ་རྒྱས་བཅས་ཀྱི་ཆེད་དོན་ཚོགས་འདུ་གཙོ་སྐྱོང་གནང་ཞིང་། ལས་དོན་སྤེལ་ཚུལ་ལ་ཉན་འཇོག་དང་འཕྲད་པའི་དུས་བབ་ལ་དབྱེ་ཞིབ། ཕྱིན་ཆད་གཙོ་གནད་ལས་ཀར་ཞིབ་འཇུག་དང་བཀོད་སྒྲིག་གནང་བ་རེད། ཁོང་གིས་རིམ་པ་ཁག་དང་སྡེ་ཁག་སོ་སོས་ཞིང་གསུམ་ལས་ཀ་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་ལེན་མཐར་ཕྱིན་བསྟར་ནས། ཞིང་ཆེན་ཏང་ཨུའི་ཧྲུའུ་ཅི་ཝང་ཞའོ་ཧུའེ་དང་ཞིང་དཔོན་ཧྲི་ཞའོ་ལིན་རང་ཁུལ་དུ་བརྟག་ཞིབ་གནང་བར་ཕེབས་པའི་མཛུབ་སྟོན་གྱི་སྙིང་དོན་དོན་འཁྱོལ་ནན་ཏན་བྱས་ཏེ། ལས་བཀུར་ཆེད་ལས་ཀྱི་སྙིང་སྟོབས་དར་སྤེལ་གཏོང་བ་དང་། དཀར་མཛེས་ཁུལ་གྱི་ཚད་གཞི་བཟོས་ནས་དཀར་མཛེས་ཁུལ་གྱི་སྤུས་རྟགས་གཏོད་དགོས་ཞེས་ནན་གསུང་གནང་བ་རེད།
ཧྥུང་ཧྥ་ཀུའེ་ཡིས་གཅིག་ནས་ངེས་གནས་དང་ངེས་ཤུགས་སྲུང་འཛིན་བྱ་དགོས་པ་དང་། གཉིས་ནས་ཐོན་ལས་གསུམ་པ་མཉམ་འདྲེས་རྒྱུན་འཁྱོངས་བྱ་དགོས། གསུམ་ནས་ལས་གཞི་དོན་ཐོག་ཏུ་འཁྱོལ་རྒྱུར་དམ་འཛིན་ཏན་ཏིག་བྱ་དགོས། བཞི་ནས་དཀར་མཛེས་ཁུལ་གྱི་ཚད་གཞི་ཁྱབ་སྤེལ་གཏང་དགོས། ལྔ་ནས་སྣེ་འདྲེན་ཚོང་རྟགས་སྐྱེད་སྲིང་བྱ་དགོས། དྲུག་ནས་ཆེད་ལས་ཤེས་ལྡན་མི་སྣར་མཐོང་ཆེན་བྱ་དགོས། བདུན་ནས་ཁྲོམ་རའི་འདྲེན་ཚོང་ལ་མཐོང་ཆེན་བྱ་དགོས། བརྒྱད་ནས་ཚོང་རར་ལྟ་སྐུལ་དོ་དམ་བྱེད་ཤུགས་ཆེ་རུ་གཏང་དགོས་ཞེས་བསྟན་པ་རེད།།
（ བདེ་སྐྱིད་ཀྱིས་བསྒྱུར།）